Ku mugoroba wo kuri uyu wa Kane,Tariki ya 04 Mutarama, ikipe ya APR FC yakoze imyitozo ya nyuma yitegura guhangana n’ikipe ya Simba SC yo muri Tanzania kuri uyu wa Gatanu mu gikombe cya Mapinduzi Cup.

Kapiteni w’Ikipe Niyomugabo Claude avuga ko biteguye gutsinda ikipe ya Simba ndetse bakaba banatahukana igikombe bishoboka.

Yagize ati "Imyitozo irangiye neza,abakinnyi bameze neza.Icyo nabwira abakunzi ba APR FC n’ukudushyigikira,bakatuba hafi,natwe ejo turi tayari gutsinda.

Abajijwe ku mukinnyi Onana wakinnye muri Rayon Sports ariko ubu akaba ameze neza muri Simba SC,niyomugabo yagize ati "Nta bwoba aduteye,uko dufata abandi bakinnyi nawe niko tumufata."

Abajijwe niba bazegukana igikombe cya Mapinduzi Cup,yagize ati "Birashoboka Cyane."

APR FC yitwaye neza kuri uyu wa Gatatu itsinda JKU FC ibitego 3-1 ikaba yiteguye guhangana na Simba SC mu mukino wa gatatu gusa yabonye itike ya 1/4 cy’irangiza mu itsinda B.