Nyuma y’ibizamini byaraye bikozwe ku kibero cye cy’ibumoso,abaganga bemeje ko Karim Benzema atazakina igikombe cy’isi cy’uyu mwaka.
Ibizamini byagaragaje ko Benzema akeneye nibura hagati y’ibyimweru 3 kugeza 6 bityo ntiyabasha gukina iri rushanwa riratangira uyu munsi.
Uyu rutahizamu w’Ubufaransa w’imyaka 34, wegukanye Ballon d’or mu ntangiriro z’uyu mwaka, yagombaga gutangira gukina igikombe cy’isi bahangana na Australia ku wa kabiri w’icyumweru gitaha.
Itangazo ryashyizwe ahagaragara (…)

Nyuma y’ibizamini byaraye bikozwe ku kibero cye cy’ibumoso,abaganga bemeje ko Karim Benzema atazakina igikombe cy’isi cy’uyu mwaka.

Ibizamini byagaragaje ko Benzema akeneye nibura hagati y’ibyimweru 3 kugeza 6 bityo ntiyabasha gukina iri rushanwa riratangira uyu munsi.

Uyu rutahizamu w’Ubufaransa w’imyaka 34, wegukanye Ballon d’or mu ntangiriro z’uyu mwaka, yagombaga gutangira gukina igikombe cy’isi bahangana na Australia ku wa kabiri w’icyumweru gitaha.

Itangazo ryashyizwe ahagaragara n’Ubufaransa rigira riti: “Yakubiswe mu kibero cye cy’ibumoso,rutahizamu wa Real Madrid yahatirijwe kutazitabira igikombe cy’isi.

Karim Benzema yahatiwe guhagarika imyitozo yo mu ikipe nyuma yo kumva atameze neza mu itako ry’ibumoso.

Ibipimo bya MRI byakorewe mu bitaro bya Doha, byemeje ko yagize imvune yo ku kuguru [rectus femoris], izatuma amara igihe cy’ibyumweru bitatu adakina.

Nyuma yo kungurana ibitekerezo na Dr. Franck Le Gall ku byerekeye rutahizamu wa Real Madrid, Didier Deschamps yemeje ko Karim Benzema yatsinzwe mu gikombe cy’isi."

Deschamps yagize ati: “Mbabajwe cyane na Karim, wari wagize iki gikombe cy’isi intego yawe ikomeye.

Nubwo iki ari igihombo ku ikipe y’Ubufaransa, nizeye byimazeyo ikipe yanjye. Tuzakora ibishoboka byose kugira ngo duhangane n’irushanwa rikomeye ridutegereje.

Ibi bivuze ko abakinnyi babaye aba mbere babiri muri Ballon d’or 2022 batazakina igikombe cy’isi.

Benzema niwe uheruka kujya ku rutonde rw’abavunitse mu ikipe ya Didier Deschamps nyuma ya Paul Pogba, N’Golo Kante, Presnel Kimpembe na Mike Maignan bose batazakina igikombe cy’isi.

Raphael Varane na Jules Kounde bashyizwe muri iyi kipe, ariko bakomeje gushidikanywaho kuko batarakira imvune zabo.