Karim Benzema watwaye igihembo cya Ballon D’Or 2022 Ku wa mbere, 17 Ukwakira 2022,yavuze ko yakuranye inzozi 3 ndetse yishimira ko zose yazigezeho.
Uyu mukinnyi mpuzamahanga w’Umufaransa yatwaye igihembo cya Ballon D’Or ahigitse Sadio Mane na Kevin de Bruyne bamukurikiye yavuze ko mu bwana yarotaga kugera ku bintu 3 by’ingenzi.
Nyuma yo gutsindira igihembo cya Ballon D’Or, Karim Benzema yavuze inzozi eshatu yari afite akiri umwana harimo no gutwara Ballon D’Or,yagezeho ku myaka 34 y’amavuko. (...)

Sponsored Ad

Karim Benzema watwaye igihembo cya Ballon D’Or 2022 Ku wa mbere, 17 Ukwakira 2022,yavuze ko yakuranye inzozi 3 ndetse yishimira ko zose yazigezeho.

Uyu mukinnyi mpuzamahanga w’Umufaransa yatwaye igihembo cya Ballon D’Or ahigitse Sadio Mane na Kevin de Bruyne bamukurikiye yavuze ko mu bwana yarotaga kugera ku bintu 3 by’ingenzi.

Nyuma yo gutsindira igihembo cya Ballon D’Or, Karim Benzema yavuze inzozi eshatu yari afite akiri umwana harimo no gutwara Ballon D’Or,yagezeho ku myaka 34 y’amavuko.

Yagize ati ’Nkiri umwana muto,nari mfite inzozi 3.Kugurira mama inzu,gukinira Real Madrid no gutwara Ballon d’Or."

Inzozi zo gukinira Real Madrid zabaye impamo kuri we muri 2009 ubwo yinjiraga muri iyi kipe mu mpeshyi aguzwe muri Lyon miliyoni 35 z’amayero,yinjirira rimwe na Cristiano Ronaldo na Kaka.

Karim Benzema yashimangiye ko azasezera umupira w’amaguru akina muri Real Madrid nyuma yo gutwara iyi Ballon d’or 2022 ku nshuro ya mbere mu buzima bwe.

Uyu mufaransa yatsindiye iki gihembo kubera kwitwara neza mu mwaka w’imikino ushize, aho yatsinze ibitego 44 mu marushanwa yose.

Uyu mukinyi w’imyaka 34 yagize uruhare runini mu gufasha Real Madrid kwegukana Champions League muri Gicurasi ndetse inatwara La Liga.

Benzema avuga ko nta yindi kipe yifuza gukinira mu buzima bwe ndetse iki gisubizo nicyo yatanze muri 2010 ubwo yagorwaga no kwinjira mu ikipe ya mbere ya Real Madrid bikavugwa ko agiye gutizwa mu Butaliyani aho amakipe nka Juventus na AC Milan zamwifuzaga.