Real Madrid yaraye yegukanye igikombe gisumbi ibindi ku mugabane w’i Burayi gihuza ikipe yatwaye UEFA Champions League n’iyatwaye UEFA Europa League,aho yatsinze Eintracht Frankfurt ibitego 2-0.
Muri ibi bitego byombi harimo Kimwe cya Karim Benzema cyamugize rutahizamu wa kabiri w’ibihe byose wa Real Madrid,nyuma ya Cristiano Ronaldo.
Karim Benzema yaciye ku cyamamare Raul aba umukinnyi wa kabiri watsindiye ibitego byinshi Real Madrid mu mateka yayo.
Los Blancos cyangwa Real Madrid yorohewe (...)

Sponsored Ad

Real Madrid yaraye yegukanye igikombe gisumbi ibindi ku mugabane w’i Burayi gihuza ikipe yatwaye UEFA Champions League n’iyatwaye UEFA Europa League,aho yatsinze Eintracht Frankfurt ibitego 2-0.

Muri ibi bitego byombi harimo Kimwe cya Karim Benzema cyamugize rutahizamu wa kabiri w’ibihe byose wa Real Madrid,nyuma ya Cristiano Ronaldo.

Karim Benzema yaciye ku cyamamare Raul aba umukinnyi wa kabiri watsindiye ibitego byinshi Real Madrid mu mateka yayo.

Los Blancos cyangwa Real Madrid yorohewe n’uyu mukino wa UEFA Super Cup yatsinzemo Eintracht Frankfurt kuko yari hejuru kuva utangiye kugeza urangiye gusa iyi kipe yo mu Budage nayo hari amahirwe yabonye iyapfusha ubusa.

Benzema w’imyaka 34 yatangiriye umwaka w’imikino 2022-23 aho yasoreje ushize, kuko umwihariko wo gushyira umupira mu nshundura abikomeje.

Real Madrid yafunguye amazamu ku munota wa 37 ku gitego cyatsinzwe na David Alaba ku mupira mwiza yahawe na Casemiro,yisanga areba izamu ryambaye ubusa,asunikiramo.Igice cya mbere cyarangiye ari igitego 1-0.

Iki gitego cyaturutse ku burangare bwa Frankfurt yananiwe gukura mu rubuga rw’amahina umupira wari uturutse muri koloneri,birangira Casemiro awuhereje Alaba wari wenyine imbere y’izamu nyuma y’akavuyo kari kamaze kuba mu rubuga rw’amahina.

Icyakora ku munota wa 12,Vinicius yakabaye yatsinze igitego cya Madrid kuko yahawe imupira asigarana n’umunyezamu Trapp aramuroba, ariko myugariro wa Frankfurt,Tuta, aratungurana akuramo umupira wari mu izamu.

Benzema nawe yahushije igitego cyabazwe mu gice cya mbere, ubwo yahabwaga umupira mwiza na Vinicius Jr awutera hanze ari wenyine mu rubuga rw’amahina.

Frankfurt nayo yahushije igitego cyabazwe mu gice cya mbere, ubwo rutahizamu wayo yahabwaga umupira wenyine agasigara arebana na Courtois ariko ananirwa kumurenza umupira.

Karim Benzema yatsindiye Real Madrid igitego cya 2 ku munota wa 65 w’umukino ku mupira mwiza yahawe na Vinicius Jr.

Iki gitego ni icya 324 Benzema yatsindiye iyi kipe ye,byamushyize imbere ya Raul ku mwanya 2 w’abamaze gutsindira Real Madrid ibitego byinshi mu mateka

Ariko aracyabura ibitego 126 kugira ngo akureho agahigo k’ibitego 450 gafitwe na Cristiano Ronaldo,umunyabigwi watsindiye Real Madrid ibitego byinshi mu mateka yayo.

Ku myaka 34 ya Benzema,byamusaba gukora ibidasanzwe kugira ngo akureho ako gahigo k’inshuti ye CR7.

Intsinzi ya Real kuri Stade Olempike ya Helsinki yatumye inganya ibi bikombe bya UEFA Super League na Barcelona na AC Milan ari nayo makipe afite byinshi.

Aya makipe uko ari atatu yatsinze uyu mukino - uhuza uwatsinze Champions League na Europa League - inshuro eshanu,yegukana ibi bikombe.

Real Madrid ikomeje kuba ubukombe kuko imaze gutwara La Liga inshuro 35,irushya ibikombe 9 FC Barcelona iyikurikiye,ifite UEFA Champions League 14,ikaba irusha AC Milan iyikurikiye ibikombe 7.Ibikombe by’isi by’amakipe ifite 4 gusa irusha kimwe iyikurikiye.

Kuva muri 2014, Real Madrid itsinze imikino ya nyuma 17 muri 19 yakinnye.Iki ni igikombe 100 cyemewe itwaye.