skol
Kigali

Kepa wazanwe nk’umutabazi yahemukiye Chelsea itwarwa igikombe na Liverpool

Imyidagaduro   Yanditswe na: Dusingizimana Remy 27 February 2022

Kuri iki cyumweru, Liverpool yatsinze Chelsea kuri penaliti 11-10 mu mukino wa nyuma w’igikombe cya Carabao Cup wabereye I Wembley, nyuma y’aho iminota 120 irangiye ari 0-0 ku mpande zombi.

Muri uyu mukino waranzwe no kwangwa ku ibitego byinshi nyuma yo gusuzuma ikoranabuhanga rya VAR, no kurarira,Liverpool yatashye yishimye yegukana iki gikombe cyari cyarigaruriwe na Manchester City.

Ikipe ya Liverpool yatsinze penaliti 11 zose ariko umunyezamu wa Chelsea, Kepa Arrizabalaga, waje asimbuye ku munota wa nyuma kubera ubuhanga azwiho bwo gukuramo penaliti,yayitengushye ntiyakuramo n’imwe ndetse ahusha iyatanze igikombe.

Liverpool yaterewe na James Milner, Fabinho, Virgil van Dijk, Trent Alexander-Arnold, Mo Salah, Diogo Jota, Divock Origi, Andy Robertson, Harvey Elliott na Ibrahimia Konate n’umunyezamu Caoimhin Kelleher bose binjije penaliti.

Chelsea yaterewe penaliti na Marcos Alonso, Romelu Lukaku, Kai Havertz, Reece James, Jorginho, Toni Rudiger, N’Golo Kante, Timo Werner, Thiago Silva na Trevoh Chalobah mu gihe Kepa ariwe wayitabye mu nama.

Liverpool yatwaye iki gikombe yaherukaga kwegukana muri 2012 ubwo yari mu bihe bibi cyane.

Ikipe ya Liverpool yabonye igitego mu gice cya kabiri cya Joel Matip cyanzwe nyuma yo gusuzuma VAR bagasanga Virgil van Dijk yaraririye mu gihe Chelsea yinjije ibitego bitatu byanzwe kubera kurarira.

Ikipe ya Reds yakoze agahigo ko kuba ikipe itwaye igikombe cya League cup [Carabao Cup]inshuro nyinshi kuko uyu munsi yatwaye icya 9,iza imbere ya Manchester City,iyikurikiye.

Klopp niwe mutoza wa mbere w’Umudage wegukanye iki gikombe nyuma yo gusogongera ku ntsinzi ya Wembley cyane ko yahatsindiwe inshuro ebyiri ziheruka.

Ikipe ya Liverpool ikomeje kwiyongerera amahirwe yo kwegukana ibikombe 4 byose irimo uyu mwaka,nyuma yo kuziba icyuho k’uyo boye Premier League, Manchester City ibarusha amanota atandatu nyamara bizigamiye umukino.



Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Reba ubwiza bwa Hoteli Real Madrid izacumbikamo mu Bufaransa igihe gukina...

Ikipe ya Real Madrid ntizacumbika i Paris ku mukino wa nyuma wa UEFA...
18 May 2022 0

"Mushimishe abanyarwanda nkuko ingabo zacu zibikora" - Lt Gen Mubarakh...

Ku gicamunsi cyo kuri uyu wa kabiri tariki 17 Gicurasi 2022, umuyobozi wa...
18 May 2022 0

Rwarutabura ufana Rayon Sports yakoze impanuka atabarwa ku isonga n’abafana...

Rwarutabura uzwi cyane nk’umufana Ukomeye wa Rayon Sports yakoze impanuka...
18 May 2022 0

Biniam Girmay wakinnye Tour du Rwanda 2019 yakoze andi mateka atarakorwa...

Umunya Eritrea,Biniam Girmay yakoze amateka yo kuba umukinnyi wa mbere...
17 May 2022 0

Jado Castar yakiriwe byihariye kuri Radio n’abakunzi be bamuhaye akayabo...

Bagirishya Jean de Dieu uzwi nka Jado Castar mu mwuga w’itangazamakuru...
17 May 2022 0

Minisitiri Aurore yashimiye ikipe ya Gisagara VC yitwaye neza muri...

Minisitiri wa Siporo, Hon. Munyangaju Aurore Mimosa yashimiye ikipe...
17 May 2022 0