Umutoza w’Amavubi,Umunya Espagne,Carlos Alos Ferrer yasuye umunyarwanda Kevin Monnet Paquet muri Cyprus aho uyu musore akina.
Abinyujije ku mbuga nkoranyambaga ze,uyu mutoza yashyize hanze ifoto ari kumwe n’uyu rutahizamu wamenyekanye muri Saint Etienne na Caen ndetse yemeza ko bagiranye ibiganiro byiza.
Amakuru aravuga ko uyu mugabo yamwemereye kuba yaza gufasha Amavubi mu kwezi kwa Gatatu hatagize igihinduka mu mikino yo gushaka itike ya AFCON itaha aho bazakina na Benin imikino (…)

Umutoza w’Amavubi,Umunya Espagne,Carlos Alos Ferrer yasuye umunyarwanda Kevin Monnet Paquet muri Cyprus aho uyu musore akina.

Abinyujije ku mbuga nkoranyambaga ze,uyu mutoza yashyize hanze ifoto ari kumwe n’uyu rutahizamu wamenyekanye muri Saint Etienne na Caen ndetse yemeza ko bagiranye ibiganiro byiza.

Amakuru aravuga ko uyu mugabo yamwemereye kuba yaza gufasha Amavubi mu kwezi kwa Gatatu hatagize igihinduka mu mikino yo gushaka itike ya AFCON itaha aho bazakina na Benin imikino ibiri.

Paquet w’imyaka 34 yakiniye u Bufaransa bw’abatarengeje imyaka 18 na 19, ntiyakiniye ikipe nkuru.

Ubu akinira Aris Limassol mu cyiciro cya mbere muri Cyprus.

Ku wa 7 Ukwakira 2020, ubwo uwari umutoza w’Amavubi, Mashami Vincent yahamagaraga abakinnyi azifashisha ku mukino wa Cape Verde mu gushaka itike y’igikombe cy’Afurika cya 2022, uyu rutahizamu na we yarahamagawe gusa ntiyaje gukina uwo mukino aho bivugwa ko hari abamugiye mu matwi bigatuma yisubiraho.