Mu mukino wa gucuti wahuje Kiyovu Spors na Bugesera warangiye Kiyovu itsinzwe igitego 1-0 umukino wabereye kuri Kigali Pele Stadium watumye Kiyovu ikomeza kwibazwaho nabenshi mu gihe itegereje ko FIFI yaca inkoni izamba ,bakemererwa kwandikisha abakinnyi.

Sponsored Ad

Mu rwego rwo gukomeza gutyaza abakinnyi ,amakipe akomeje gukina imikino ya gicuti mu gihe hari kuba imikino y’amakipe y’Ibihugu mu gushaka itike y’igikombe cy’Afurika 2025 kizabera muri Morocco.
Ikipe ya Kiyovu Sports igifite ibibazo byo kwandikisha abakinnyi yaguze baturutse hanze y’u Rwanda ,yakinaga na Bugesera umukino wa gicuti bitegura ko shampiyona igomba kugaruka .
Ni umukino utahiriye Kiyovu Sports kuko yatsinzwe igitego 1-0 na Bugesera igitego cyabonetse ku munota wa 27 gitsinzwe na Jibril Nsimbe Badru yatsinze ku mupira wahinduwe imbere y’izamu agakurikira neza akawuboneza mu nshundura.
Igice cya mbere cyarangiye, Bugesera FC iyoboye umukino n’igitego 1-0.
Mu gice cya kabiri ntago kiyovu Sports yashoboye kwishyura igitego yatsinzwe ndetse kurundi ruhande ikipe ya Bugesera nayo ntiyongeye kureba mu izamu rya Kiyovu.
Kiyovu Sports itarabashije kwandikisha abakinnyi ba yo bashya, iracyafite icyizere ko bizakunda ,FIFA igaca inkoni izamba.
Kiyovu yandikiye urwarandikiye FIFA rusobanura uko ibibazo byose byagenze, bizeye ko iyi Mpuzamashyurahamwe y’umupira w’amaguru ku Isi izaca inkoni izamba.