Ikipe ya Kiyovu Sports ikomeje kwiyubaka yamaze kugura umusore Rachid Kalisa wari umaze iminsi akina mu ikipe ya Topoľčany yo muri Slovakia aho yakinanaga n’abandi banyarwanda barimo Ombolenga Fitina na Iranzi Jean Claude.
Uyu musore wakomeje gushaka ikipe yo ku mugabane w’I Burayi aho yasinyiye Kiyovu avuye kugerageza amahirwe mu ikipe yo mu Cyiciro cya gatatu muri Espagne.
Mu kiganiro Kigali Today dukesha iyi nkuru yagiranye n’umunyamabanga wa Kiyovu Habimana Rachid, yemeje aya makuru (...)

Sponsored Ad

Ikipe ya Kiyovu Sports ikomeje kwiyubaka yamaze kugura umusore Rachid Kalisa wari umaze iminsi akina mu ikipe ya Topoľčany yo muri Slovakia aho yakinanaga n’abandi banyarwanda barimo Ombolenga Fitina na Iranzi Jean Claude.

Uyu musore wakomeje gushaka ikipe yo ku mugabane w’I Burayi aho yasinyiye Kiyovu avuye kugerageza amahirwe mu ikipe yo mu Cyiciro cya gatatu muri Espagne.

Mu kiganiro Kigali Today dukesha iyi nkuru yagiranye n’umunyamabanga wa Kiyovu Habimana Rachid, yemeje aya makuru ndetse yemeza ko nawe yiyongereye mu bakinnyi 28 iyi kipe ifite.

Yagize ati ”Ni byo Kalisa yasinye umwaka umwe aje yiyongera ku bandi bakinnyi bazadukinira muri shampiyona, twaramushimye ndetse n’umutoza aramushima ni yo mpamvu twamuguze”.

Mbere yo kwerekeza muri iyi kipe yo muri Slovakia,uyu musore yakinaga mu ikipe ya Police FC aho yakinaga hagati mu kibuga aho akina afasha ba rutahizamu.

Kalisa yiyongereye ku bandi bakinnyi bazwi Kiyovu Sports yaguze barimo Mugheni Fabrice yakuye muri Rayon Sports,Sebanani Emmanuel na Ndoli Jean Claude bakuye muri AS Kigali,Habyarimana Innocent wavuye muri APR FC n’abandi.