Ubuyobozi bwa Kiyovu Sports Association bwaganiriye, busaba Juvenal Mvukiyehe gukomeza kuyobora Urucaca nyuma yo kwegura ku munsi w’ejo.
Mvukiye Juvenal wabaye umuyobozi wa Kiyovu Sports kuva mu kwezi kwa nzeri 2020,yandikiye Umuryango wa Kiyovu Sports ko yifuza kwegura kuri uyu mwanya kubera ko abona inshingano yiyemeje atabasha kuzigeraho ndetse n’izindi mpamvu ze bwite.
Muri iki gitondo,ubuyobozi bw’Umuryango wa Kiyovu Sports bwamenyesheje abanyamuryango ko nyuma yo kuganira nawe (…)

Ubuyobozi bwa Kiyovu Sports Association bwaganiriye, busaba Juvenal Mvukiyehe gukomeza kuyobora Urucaca nyuma yo kwegura ku munsi w’ejo.

Mvukiye Juvenal wabaye umuyobozi wa Kiyovu Sports kuva mu kwezi kwa nzeri 2020,yandikiye Umuryango wa Kiyovu Sports ko yifuza kwegura kuri uyu mwanya kubera ko abona inshingano yiyemeje atabasha kuzigeraho ndetse n’izindi mpamvu ze bwite.

Muri iki gitondo,ubuyobozi bw’Umuryango wa Kiyovu Sports bwamenyesheje abanyamuryango ko nyuma yo kuganira nawe akagaragaza izo mbogamizi,bemeye kumufasha kugira ngo ziveho.

Bwagize buti "Nyuma yo kurebera hamwe ubwegure bwa bwa perezida Juvenal akatugezaho imbogamizi zashoboraga gutuma atazagera ku ntego yari yiyemeje, twasanze izo mbogamizi zatuma atabasha kugera ku ntego yiyemeje twamufasha kuzivana mu nzira dufatanyije n’izindi nzego ndetse n’abanyamuryango ba Kiyovu Sports. Perezida Juvenal akaba yavanyeho ubwegure bwe agakomeza kuyobora Kiyovu Sports.”

Iri tangazoryaje rikurikiranye n’irivuga ko kubera ubusabe bw’abagize ‘board’ ya Kiyovu Sports, Inama y’Inteko Rusange yari iteganyijwe ku wa Gatandatu tariki ya 1 Ukwakira 2022 yakuweho igihe izabera bakazakimenyeshwa.