Ikipe ya Kiyovu Sports yatsinze Espoir FC igitego 1-0 mu mukino w’umunsi wa kabiri wa shampiyona wahagaritswe wenda kurangira kubera ikibazo cy’Imbangukiragutabara yajyanye umukinnyi wari uvunitse iratinda.
Kiyovu Sports yatsinze igitego 1-0 cyatsinzwe na Nshimirimana Ismael "Pitchou" ku munota wa 89 w’umukino.
Kiyovu Sports yungukiye ku ikarita itukura yahawe umukinnyi Henry Issa ku munota wa 78 ibasha gutsinda uyu mukino.
Agashya kabaye muri uyu mukino wa Kiyovu Sports na Espoir (…)

Ikipe ya Kiyovu Sports yatsinze Espoir FC igitego 1-0 mu mukino w’umunsi wa kabiri wa shampiyona wahagaritswe wenda kurangira kubera ikibazo cy’Imbangukiragutabara yajyanye umukinnyi wari uvunitse iratinda.

Kiyovu Sports yatsinze igitego 1-0 cyatsinzwe na Nshimirimana Ismael "Pitchou" ku munota wa 89 w’umukino.

Kiyovu Sports yungukiye ku ikarita itukura yahawe umukinnyi Henry Issa ku munota wa 78 ibasha gutsinda uyu mukino.

Agashya kabaye muri uyu mukino wa Kiyovu Sports na Espoir FC,nuko wahagaze mu gihe hari hasigaye iminota mike ukarangira.

Imbangukiragutabara [Ambulance] yari ku kibuga yatwaye umukinnyi wa Espoir FC witwa Ahishakiye Jack wagize ikibazo cy’imvune, itinda kugaruka.

Komiseri yategetse ko umukino uhagarara habura iminota 11 ngo urangire kuko iyi mbangukiragutabara yagombaga kuba ihari.

Hashize umwanya yagarutse umukino urakomeza ndetse Kiyovu Sports ibyaza umusaruro iyo minota ya nyuma.

Icyakora Kiyovu Sports yakabaye yabonye ibitego 2 kuko yabonye penaliti mu minota ya nyuma y’umukino ku ikosa Shyaka yakoreye Abedi Bigirimana,wayiteye ikagarurwa n’igiti cy’izamu.

Umukino warangiye Kiyovu Sports ibonye amanota 3 yiyongera ku yandi yari yabonye mu mukino wa mbere igira 6 kuri 6.

Kiyovu Sports ntiyakinishije Umu Russia n’umunya Afurika y’Epfo yaguze aho bishoboka ko batarabona ibyangombwa.

Ejo hateganyijwe umukino wa Police FC na Rayon Sports kuri stade ya Kigali saa 18h00.

Urutonde:

1. Kiyovu Sports 6pts
2. Sunrise 4pts
3. Gasogi United 4pts
4. Gorilla FC 4pts