Ikipe ya Kiyovu Sports yakoze mu nkovu Police FC iyitsinda ibitego 2-0 mu mukino w’umunsi wa 13 wa shampiyona y’u Rwanda AZAM Rwanda Premier League wabereye ku Mumena.

Kiyovu Sports Sports yari imbere y’abafana bayo ku Mumena,yakoze mu nkovu Police FC yaherukaga kunyagirwa na Bugezera FC ibitego 3-1 mu mukino uheruka,iyitsinda ibitego 2-0.

Kiyovu yatsinze Police FC ibi bitego 2 mu minota itageze kuri 3 kuko Ghislain Armel yafunguye amazamu ku munota wa 82 kuri penaliti hanyuma Nizeyimana Djuma wari wabazonze ashyiramo agashinguracumu ku munota wa 84.

Umutoza wa Police FC albert Mphande ari mu mazi abira,kuko nyuma yo gutsinda Rayon Sports igitego 1-0,atarongera gutsinda ndetse n’amahirwe yo kwegukana igikombe cya shampiyona ari kugenda ayoyoka.

Police FC yananiwe kwambura Rayon Sports umwanya wa gatatu ku rutonde rwa shampiyona, ndetse ihita irindimuka ijya ku mwanya wa 5 n’amanota 20 mu gihe Kiyovu Sports ariyo yawuyikuyeho nubwo banganya amanota 20.