skol
fortebet

Kiyovu Sports yavuze ku makuru yerekeye ifungwa ry’umutoza wayo

Yanditswe: Thursday 12, May 2022

featured-image

Sponsored Ad

Mu masaha y’umugoroba wo kuri uyu wa Gatatu tariki 11 Gicurasi, hakwirakwiye amakuru avuga ko umutoza mukuru wa Kiyovu Sports, Haringingo Francis yaba yatawe muri yombi n’Urwego rw’Igihugu rw’Ubugenzacyaga, RIB, kubera gufatirwa mu cyuho ari kwakira ruswa.
Abakwirakwije aya makuru, bavugaga ko ikipe ya APR FC ishobora kuba ari yo yaba yahaye uyu mutoza amafaranga angana na miliyoni 6 Frw, cyane ko izi kipe zombi zifitanye umukino wa shampiyona wo kwishyura uteganyijwe ku wa Gatandatu tariki 14 (...)

Sponsored Ad

Mu masaha y’umugoroba wo kuri uyu wa Gatatu tariki 11 Gicurasi, hakwirakwiye amakuru avuga ko umutoza mukuru wa Kiyovu Sports, Haringingo Francis yaba yatawe muri yombi n’Urwego rw’Igihugu rw’Ubugenzacyaga, RIB, kubera gufatirwa mu cyuho ari kwakira ruswa.

Abakwirakwije aya makuru, bavugaga ko ikipe ya APR FC ishobora kuba ari yo yaba yahaye uyu mutoza amafaranga angana na miliyoni 6 Frw, cyane ko izi kipe zombi zifitanye umukino wa shampiyona wo kwishyura uteganyijwe ku wa Gatandatu tariki 14 uku kwezi.

Mu kiganiro Perezida wa Kiyovu Sports, Mvukiyehe Juvénal yahaye ikinyamakuru UMUSEKE dukesha iyi nkuru,yahakanye aya makuru ndetse ahamya ko ubwo aya makuru yavugwaga aba bombi bari kumwe kandi bakomeje gutegura neza umukino ubaraje inshinga.

Ati “Ni ibinyoma nta kibazo gihari. N’ubu dutandukanye atashye. Turi gutegura neza umukino w’umunsi wa 27 wa shampiyona. Twabonye bavuga ngo APR yamuhaye miliyoni 6 Frw barazimufatana, kandi twari kumwe.”

Uyu mutoza akaba yavuze ko umunyamakuru wabitangaje yarengereye akaba rero agiye kwitabaza inkiko kuko yabeshyewe.

Ati “Ndagana inkiko, ndamurega rwose, abantu barimo barampamagara bambaza niba mfunzwe ngo kubera 6m (miliyoni 6) za ruswa nahawe na APR FC. Abanyamakuru mumaze kurenga umurongo! Ibi ni ugusebya umuntu.”

Ibi bihuha biri kuvugwa ni ibigamije kurangaza abakunzi ba Kiyovu Sports kugira ngo batentebuke ku rugamba rwo gushyigikira iyi kipe ishaka kongera gutwara shampiyona iheruka 1993.

Ku rutonde rw’agateganyo rwa shampiyona,ikipe ya APR FC iri ku mwanya wa Mbere n’amanota 60, mu gihe Kiyovu Sports ya Kabiri ifite amanota 57.

APR FC yamaze gutangaza ibiciro byo kwinjira ku mukino uzayihuza na Kiyovu SC muri Shampiyona aho itike ya macye ari 5000 FRW mu gihe iya menshi ari 30,000 FRW.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa