Ikipe ya Kiyovu Sports yaherukaga gutsinda APR FC impundu zigataha I Nyamirambo n’ahandi hose haba abakunzi bayo,yongeye kunyerera itakaza amahirwe yo gukomeza gukubana na APR FC.
Kiyovu Sports yanganyaga amanota na APR FC bagatandukanwa n’igitego kimwe,yatsikiye itakaza amanota kuri Etoile de l’Est yongera guharira uyu bahanganye cyane ko na mbere yo kumwihaniza yari yatsikiye kuri Bugesera FC banganya 0-0.
Iyi pipe y’icyatsi n’umweru yatangiye nabi uyu mukino w’umunsi wa 28,itsindwa igitego (...)

Sponsored Ad

Ikipe ya Kiyovu Sports yaherukaga gutsinda APR FC impundu zigataha I Nyamirambo n’ahandi hose haba abakunzi bayo,yongeye kunyerera itakaza amahirwe yo gukomeza gukubana na APR FC.

Kiyovu Sports yanganyaga amanota na APR FC bagatandukanwa n’igitego kimwe,yatsikiye itakaza amanota kuri Etoile de l’Est yongera guharira uyu bahanganye cyane ko na mbere yo kumwihaniza yari yatsikiye kuri Bugesera FC banganya 0-0.

Iyi pipe y’icyatsi n’umweru yatangiye nabi uyu mukino w’umunsi wa 28,itsindwa igitego hakiri kare na rutahizamu Peter Agblevor wa Etoile de l’Est ku munota wa 37.

Kiyovu Sports yabize icyuha kugira ngo yishyure iki gitego kuko yategereje iminota itanu ya nyuma kugira ngo yishyure, ku gitego cyatsinzwe n’Umunya Uganda Emmanuel Okwi ku munota wa 85.

Amanota abiri Kiyovu yatakaje yahise aba ikinyuranyo irushwa na APR FC yo yatsinze ibitego 2-1 Gorilla FC nayo bigorany.APR FC ifite amanota 63 kuri 61 ya Kiyovu SC mu mikino ibiri isigaye.

APR FC isigaje guhura na AS Kigali na Police FC muri shampiyona mu gihe Kiyovu Sports isigaje Espoir FC na Marines FC.

Undi mukino wakinwe kuri uyu wa Mbere, Ikipe ya Mukura Victory Sport yabonye amanota atatu itsinze Gicumbi FC igitego 1-0,ihita iyisubiza mu cyiciro cya 2.

Igitego cya Mukura VS cyatsinzwe na Patrick Mugisha ku munota wa 54 w’umukino.

Ikipe ya Mukura VS ifite amanota 44 mu mikino 28, iri ku mwanya wa kane inyuma ya Rayon Sports ya gatatu n’amanota 47.