Umunya Sudani Mugadam yatangiye imyitozo muri Rayon Sports aho yakoranye na bagenzi be bitegura guhangana na GASOGI Utd kuri uyu wa Gatanu,tariki ya 18 Kanama 2023.

Ubu abakinnyi 11 bashya Rayon Sports yazanye bose barahari kuri uyu wa Gatanu,aho baratangira gushaka igikombe cya shampiyona bamaze imyaka 4 bategereje.

Imyitozo y’uyu munsi yayobowe n’umutoza mukuru Yamen Zelfani mu Nzove

Imyiteguro y’umukino w’umunsi wa mbere wa Shampiyona y’u Rwanda 2023-24 yasojwe nta mukinnyi ugize ikibazo cyamusibya gukina nkuko urubuga rwa Rayon Sports rubitangaza.

Myugariro Aimable Nsabimana ntabwo arakira imvune yo mu kagombambari yagize mu ntangiriro z’iki cyumweru bityo ntabwo azakina uyu mukino.

Uyu munya Sudani yageze mu Rwanda mu mpera z’iki cyumweru aje gukinira Rayon Sports bumvikanye amasezerano y’umwaka umwe.

Uyu ashobora gukina aca ku ruhande cyangwa agakina inyuma ya ba rutahizamu nkuko amakuru abitangaza.