skol
Kigali

KNC yasabye ikintu gikomeye FERWAFA kubera ibivugwa ko hari abakinisha abanduye Covid-19

Imyidagaduro   Yanditswe na: Dusingizimana Remy 30 December 2021

Umuyobozi wa Gasogi United, Kakooza Nkuriza Charles (KNC),yasabye FERWAFA kongera imbaraga mu kureba uko amakipe yipimisha Covid-19 kuko ngo hari abakinisha abakinnyi banduye bakanduza abandi.

KNC yasabye FERWAFA ko amakipe yajya apimirwa COVID-19 ku kibuga, abantu bose babireba, kuko hari amakuru ko hari amakipe ahisha ko abakinnyi barwaye akabakinisha, ibyo bigatuma banduza abandi bahuriye mu kibuga.

Ati “Ndasaba ko Federasiyo ikwiriye gupimira hano, abakinnyi bagapimirwa hano ku kibuga kuko hari amakuru avuga ko hari amakipe ahisha uburwayi bwa COVID-19. Ibyo birahari kabisa ko hari amakipe ahisha y’uko abakinnyi barwaye COVID bakaza bakanduza n’abandi mu kibuga.”

Yakomeje agira ati “Ibyo rero Federasiyo nirebe niba COVID-19 izajya ipimirwa ku kibuga hari n’ushinzwe COVID wa Federasiyo, ibisubizo byose bigaragarire aho ngaho kuko muri ‘système’ ushobora kwandikamo kuko n’ubundi ibimenyetso by’iyi COVID ntibigaragara, hari umuntu uba wanakina arwaye.”

Amakipe yo muri Shampiyona y’u Rwanda asabwa gukorana n’amavuriro yemewe, abakinnyi bagapimwa amasaha atatu mbere y’umukino ndetse ibisubizo bikamenyeshwa FERWAFA binyuze kuri E-mail.

Amategeko ya FERWAFA muri ibi bihe bya COVID-19 avuga ko mu gihe ikipe idashoboye kugeza abakinnyi 15 n’umunyezamu, iterwa mpaga y’ibitego 2-0, ibintu KNC avuga ko bidakwiye.

Ati “Ibyo byaterwa na Federasiyo uburyo ibibona n’icyo itegeko rivuga. Muri rusange ntekereza ko atari ‘fair’ kuko ntawigeze uzana COVID-19 muri twese.”

Ku mukino w’umunsi wa 11 wa Shampiyona,Gasogi United yatsinzwe na Police FC ibitego 3-2 kuri Stade ya Kigali i Nyamirambo.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Thibaut Courtois wababaje cyane Liverpool yabwiye amagambo akomeye...

Umunyezamu w’Umuhanga cyane,Thibaut Courtois wa Real Madrid,yavugije induru...
29 May 2022 0

BAL:US Monastir yegukanye igikombe cya BAL 2022

Ku mugoroba wo ku wa Gatandatu, tariki ya 28 Gicurasi 2022,ikipe ya US...
29 May 2022 0

Real Madrid yakomeje ibigwi itwara UEFA Champions League ku nshuro ya 14...

Ikipe ya Real Madrid yatwaye igikombe cya UEFA Champions League ku nshuro...
29 May 2022 0

Real Madrid yongeye kuba ikipe ihenze kurusha izindi zose ku...

Raporo yashyizwe ahagaragara ku wa kane n’abasesenguzi ba Football...
28 May 2022 0

Klopp yahishuye umukinnyi yizeye ko amuhesha igikombe cya Champions...

Umutoza Jurgen Klopp yizeye ko Sadio Mane ashobora kuba umucunguzi ukomeye...
28 May 2022 0

Harry Kane yahishuye ibanga rikomeye ryatumye Ubwongereza bwitwara neza mu...

Rutahizamu Harry Kane wa Tottenham yavuze ko intsinzi y’Ubwongereza mu...
28 May 2022 0