Ku mugoroba wo ku wa Gatanu, tariki ya 12 Ugushyingo 2021, ikipe ya Gasogi United yakoze ibirori byiswe “Ground Breaking Ceremony” byabereyemo umuhango wo gushimira indashyikirwa zitangiye siporo Nyarwanda n’icyamunara cy’imyambaro yayo igurwa Miliyoni zirenga 20 FRW, aho uwaguzwe menshi ari uwatanzweho miliyoni 4 Frw.
Gasogi United yari yazanye abakinnyi bayo,yagurishije imyenda y’ikipe aho abantu batandukanye biganjemo abakire bagiye bagura iyi myenda akayabo kugera k’uwayiguze miliyoni 4 (...)

Sponsored Ad

Ku mugoroba wo ku wa Gatanu, tariki ya 12 Ugushyingo 2021, ikipe ya Gasogi United yakoze ibirori byiswe “Ground Breaking Ceremony” byabereyemo umuhango wo gushimira indashyikirwa zitangiye siporo Nyarwanda n’icyamunara cy’imyambaro yayo igurwa Miliyoni zirenga 20 FRW, aho uwaguzwe menshi ari uwatanzweho miliyoni 4 Frw.

Gasogi United yari yazanye abakinnyi bayo,yagurishije imyenda y’ikipe aho abantu batandukanye biganjemo abakire bagiye bagura iyi myenda akayabo kugera k’uwayiguze miliyoni 4 FRW.

Nyiri Gasogi United akaba n’Umuyobozi wayo, Kakooza Nkuriza Charles (KNC), yavuze ko biteye ishema kubona hari abantu benshi baje kubashyigikira mu birori bakoresheje.

Ati “Ndishimye cyane ku bw’uyu munsi, twawise ’Ground Breaking’ ariko ndatekereza ko tutibeshye, nejejwe cyane no kubona abagabo n’abagore baje kudushyigikira nka Gasogi."

Muri ibi birori, herekanywe filime mbarankuru igaruka ku mateka n’ibigwi bya Gasogi United yashinzwe mu 2017 igakina Shampiyona ihereye mu Cyiciro cya Kabiri uwo mwaka (icyo gihe yitwa Unity de Gasogi), mu mwaka wa kabiri igahita izamuka mu Cyiciro cya Mbere.

Ibi birori byabereye muri Kigali Marriott Hotel byari byitabiriwe n’abarimo Umunyanyamabanga Uhoraho muri Minisiteri ya Siporo, Shema Maboko Didier, Bernard Makuza n’abayobozi b’amakipe atandukanye mu Rwanda.

Hari ‘band’ icuranga, Chorale ya St Paul yaririmbye indirimbo yubahiriza Gasogi United mu gutangiza ibi birori.

Gasogi United yatangiye Shampiyona ya 2021/22 itsinda Marines FC igitego 1-0 mbere yo kunganya na Mukura Victory Sports 1-1, iherutse gutangiza uburyo bwo kugura itike y’umwaka wose ku mikino yakiriye, ifite agaciro k’ibihumbi 300 Frw.

Dore uko Jerseys 17 zaguzwe:
500$
200$
500$
1000$
1000$
1000$
500$
700$
4100$
1500$
1000$
2000$
500$
500$
200$
200$
1.000.000 FRW