Tediane Kone wagize ikibazo cy’ukuboko ubwo Rayon Sports yakinaga umukino ubanza wa CAF Confederation Cup ashobora kumara ibyumweru 3 hanze ni mu gihe Abouba Sibomana akiri mu imvune.
Hari mu umukino ubanza wa 1/16 cya CAF Confederation Cup ubwo Rayon Sports yatsindwaga na Onze Créateurs 1-0, Kone yaje kugira ikibazo cy’ukuboko ku buryo atazakina umukino wo kwishyura uteganyijwe kuwa Gatandatu.
Ku urundi ruhande Abouba Sibomana utarajyanye n’iyi kipe kubera imvune ntago azakina umukino wo (...)

Sponsored Ad

Tediane Kone wagize ikibazo cy’ukuboko ubwo Rayon Sports yakinaga umukino ubanza wa CAF Confederation Cup ashobora kumara ibyumweru 3 hanze ni mu gihe Abouba Sibomana akiri mu imvune.

Hari mu umukino ubanza wa 1/16 cya CAF Confederation Cup ubwo Rayon Sports yatsindwaga na Onze Créateurs 1-0, Kone yaje kugira ikibazo cy’ukuboko ku buryo atazakina umukino wo kwishyura uteganyijwe kuwa Gatandatu.

Ku urundi ruhande Abouba Sibomana utarajyanye n’iyi kipe kubera imvune ntago azakina umukino wo kwishyura kuko atarakira neza.

Umunyamabanga wa Rayon Sports Gakwaya Olivier yatangarije Ikinyamaku Umuryango ko Kone agifite ibyumweru bitatu hanze mu gihe Abouba Sibomana umuganga yavuze ko ataramera neza byo gutangira gukina.

Yagize ati "Kone aracyafite igihe hanze adakina, yarababaye cyane, azamara ibyumweru bibiri cyangwa bitatu abone gutangira imyitozo. Abouba ntago aratangira imyitozo kuko umuganga yatubwiye ko agifite ikibazo, turareba uyu munsi niba ari bukore imyitozo turebe uko ayitwaramo yaba ejo ndetse n’ejobundi gusa ndumva bitazamuha amahirwe yo gukina umukino wa Onze Créateurs."

Biteganyijwe ko ikipe ya Onze Créateurs iri buhaguruke muri Mali ku umugoroba wo kuri uyu wa Kabiri ikaba izagera mu Rwanda ejo kuwa Gatatu, ikaba iri bube ije gukina umukino wo kwishyura na Rayon Sports mu mikino nyafurika uzaba kuwa Gatandatu tariki ya 18 Werurwe 2017.

Uretse Kone na Abouba Rayon Sports izaba idafite Rwatubyaye utarabona ibyangombwa ndetse na Mutsinzi Ange wabonye ikarita itukura ku umukino wa Wau Salam amategeko avuga ko agomba kumara imikino 2. Aba bose bakaba bazifashishwa mu gihe Rayon Sports yakomeza mu icyiciro gikurikiyeho.