Kenya Ports Authority yatsinze REG WBBC amanota 87-53 yegukana ‘FIBA Africa Women Basketball League’.

Aya makipe yombi yabonye itike yo kuzahagararira Akarere ka Afurika y’Iburasirazuba ‘Zone5’ mu Mikino Nyafurika izabera i Cairo mu Misiri mu Ukuboza 2023.

Agace ka mbere karangiye ikipe yo muri Kenya iyoboye umukino n’amanota 22 kuri 16.

Igice cya Mbere cyo cyarangiye Kenya Ports Authority yatsinze REG WBBC amanota 44-30.

Umukino warangiye REG BBC inaniwe kwitwara neza nkuko yari yabigenje mu mikino yabanje.

Abakinnyi batanu bagize ikipe y’irushanwa ni Tetero Odile wa APR WBBC, Kamba Yoro Diakite wa Gladiators y’i Burundi, Victoria Reynolds wa KPA, Betty Kalanga wa REG WBBC na Madinja Okot wa KPA.

Ku bihembo by’abakinnyi ku giti cyabo, Madinja Okot yahembwe nk’uwakoze ‘rebounds’ nyinshi (106), Micomyiza Rosine Cissé aba uwatsinze amanota atatu inshuro nyinshi (18), Kamba Yoro Diakite yabaye uwatsinze amanota menshi (139), mu gihe Victoria Reynolds wa KPA yabaye Umukinnyi Mwiza w’Irushanwa (MVP).