skol
Kigali

Kwizera Olivier yavuze ku kwirukanwa mu mwiherero w’Amavubi yigarika Rayon Sports

Imyidagaduro   Yanditswe na: Dusingizimana Remy 31 August 2021

Umunyezamu Kwizera Olivier wakiniraga Rayon Sports umwaka ushize ariko ubu bikaba bitazwi aho azerekeza yavuze ko kumwirukana mu mwiherero w’Amavubi ari akagambane kakozwe mu kumwangisha abafana.


Mu kiganiro yahaye B&B FM, yavuze ko atigeze abwirwa ikosa yakoze mbere yo kwirukanwa ndetse yemeza ko ibyabaye byari bigamije kumwangisha abafana.

Ati "Ubundi baravuga ngo ucuruza ibyaha ntajya ahomba kuko ntaho abirangura, abanshinja ibyo byaha bafite ubushobozi, kuri njye numva bari kubanza kumbwira ikosa nakoze mbere yo kunyirukana.

Narabyutse ngiye kujya mu myitozo bambwira ko ntari bukore, nagumye kuri Hoteli noneho njya ku cyumba cy’umutoza nshaka kumusobanurira, ambwira ko bafashe umwanzuro w’uko ndi butahe. Namubajije ikosa nakoze yanga kugira icyo ambwira.”

Avuga ko abona ari umugambi wacuzwe wo kumwangisha abafana kuko akantu kose kabaye gakabirizwa, we abona nta kibazo kuko nta tegeko yishe.

Ati "Ubundi baravuga ngo ucuruza ibyaha ntajya ahomba kuko ntaho abirangura, abanshinja ibyo byaha bafite ubushobozi...Ku byabaye ntacyo nabirenzaho, nibaza impamvu ahubwo abantu bahora bangendaho ikibaye cyose kigahita kijya mu itangazamakuru, ubwo bukangurambaga bwo kunyangisha abantu kuki ari njyewe? Ni ukubera iki?”

Kwizera Olivier wakiniye Rayon Sports mu mwaka ushize w’imikino, yahakanye ko nta masezerano ayifitiye ahubwo iri kubangamira uburenganzira bwe.

Ati “Njye icyo nzi nasinye umwaka umwe udafite andi mabwiriza, nasabye amasezerano yanjye kuva umwaka ushize muri Kanama ubwo nasinyaga kugeza nubu barayanyimye."

Kwizera yavuze ko yagiye abona amakipe arimo abiri yo muri Angola, Young Africans yo muri Tanzania, Gor Mahia yo muri Kenya n’izindi zo hanze ariko yabuze ibaruwa imurekura kuko Rayon Sports yayimwimye.

Uyu musore yavuze ko agiye gushaka indi kipe akinamo kuko aricyo cyihutirwa ndetse yemeza ko Rayon Sports nta masezerano bafitanye.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Richard

    Kwizera. Ntiyimenya niba aliwe batoteza
    Uruhare rwe mukwanga gutotezwa nuruhe
    Uwamubwiye gucenga ninde?
    Byamuviliyemo igitego
    Ninde wamuhaye ibiyobyabwenge

    Niba hali nuwo byarakaje bigatuma ategeka ko bamwirukana mu Mavubi .nyirabayazana niwe
    Nahindure uburyo bwo kubaho akundwe
    Amahirwe yo kumesa izinarye yali muli Rayon
    Ikuzwe.akazayivamo neza .none Arongera icyaha
    KU bindi.
    Wikwihenura kw,Ikipe ya Rubanda cisha macye
    Uvugwe neza.uhabwe umugisha ujyiyushaka.

    1 month ago

Inzindi nkuru

Inkweto Micheal Jordan yakinanye bwa mbere muri NBA zaguzwe akayabo...

Inkweto zambawe n’icyamamare muri Basketball Michael Jordan zaguzwe ku...
25 October 2021 0

Agahinda k’umugore wa Kobe Bryant wamenye iby’urupfu rw’umugabo we ku mbuga...

Vanessa Bryant, umupfakazi wa Kobe Bryant, yavuze ko yamenye iby’urupfu...
25 October 2021 0

Uko byiriwe mu mikino: AS Kigali yasezerewe na Motema Pembe,Real Madrid...

Kuri iki cyumweru habaye imikino itandukanye yaba mu marushanwa ya CAF...
24 October 2021 0

Umutoza Soskjaer yahaye ubutumwa bukomeye abakinnyi ba United mbere yo...

Umutoza wa Manchester United,Ole Gunnar Solskjaer yahaye abakinnyi be...
24 October 2021 0

Hatangajwe amagambo akomeye Cristiano Ronaldo yabwiye bagenzi be...

Kuwa 3 w’iki cyumweru nibwo United yatunguranye itsinda Atalanta ibitego 3-2...
24 October 2021 0

"Biroroshye gutoza Lukaku kurusha Neymar Jr na Mbappe"-Tuchel

Umutoza wa Chelsea,Thomas Tuchel,yibasiye cyane ikipe ya Paris...
23 October 2021 0