Kapiteni mushya wa Rayon Sports Kwizera Pierrot arayirokoye mu minota ya nyuma y’umukino wayo wa mbere muri CECAFA Kagame Cup y’uyu mwaka ayifasha kwishyura Gor Mahia mu mukino warangiye amakipe yombi anganya ibitego 2-2.

Sponsored Ad

Rayon Sports yatangiye uyu mukino iri ku rwego rwo hasi, ikora amakosa menshi ndetse itakaza imipira ku buryo bworoshye,byatumye itsindwa igitego cya mbere ku munota wa 33 na Jacques Tuyisenge.

uko umukino wagenze

Rayon Sports itari mu mukino yongeye kurangara ku munota wa 40, itsindwa igitego cya kabiri na Mieno Hamphrey nabwo ku burangare bwa ba myugariro batabashije gufasha umunyezamu Kassim ku mupira ukomeye yatewe na Walusimbi arawuruka uyu musore awusongamo.Igice cya mbere cyarangiye ari 2-0 bya Gor Mahia.

Mu gice cya kabiri Rayon Sports yaje yakaniye bituma ku munota wa 64 ibona Penaliti yatewe neza na Ismaila Diarra,igitego cya mbere cya Gikundiro kiba kirabonetse.

Ku munota wa 87 bisa n’ibyarangiye, Gor Mahia yiteguye kubona amanota 3,Kwizera Pierrot yayikubise ahababaza,ayishyura igitego bituma amakipe yombi agabana amanota muri uyu mukino wa mbere w’aya makipe yombi abarizwa mu itsinda B riyobowe na Ports yo muri Djibouti yatsinze LLB ibitego 2-1 ku munsi w’ejo.

Abakinnyi babanje mu kibuga ku mpande zombi

Rayon Sports iri mu itsinda B hamwe n’iyi Gor Mahia,Ports na Lydia Ludic Académic ,nta gihindutse izakina umukino wa kabiri na Ports ku wa Kabiri w’icyumweru gitaha.