skol
Kigali

Kylian Mbappe yasabye imbabazi abakunzi b’Ubufaransa yatengushye ku mukino w’Ubusuwisi

Imyidagaduro   Yanditswe na: Dusingizimana Remy 29 June 2021

Rutahizamu w’Ubufaransa na PSG,Kylian Mbappe, yasabye imbabazi abafana b’ikipe y’igihugu kubera guhusha penaliti yatumye basezererwa n’Ubusuwisi kuri penaliti 5-4 nyuma yo kunganya ibitego 3-3 mu minota 120.


Mbappe witwaye nabi cyane muri uyu mukino aho yagaragaye nk’ushaka igitego ku giti cye aho gukorana na bagenzi be,byatumye ahusha ibitego byinshi.

Icyakora nk’umukinnyi w’umuhanga,niwe wahaye Benzema umupira wavuyemo igitego cya mbere cy’Ubufaransa nubwo we ku giti cye umusaruro we muri iyi Euro wabaye muke.

Mu butumwa yanyujije kuri Instagram ye,Mbappe yagize ati “Biragoye guhindura paji.Agahinda ni kenshi nyuma y’uku gusezererwa ntitubashe kugera ku ntego yacu.Mbasabye imbabazi kuri iyi penaliti.Nashakaga gufasha ikipe ariko natsinzwe.

Kubona ibitotsi biragoye ariko ikibabaje ibi n’ugutsinda no gutsindwa biba muri iyi siporo nkunda cyane.Ndabizi ko namwe abafana mubabaye ariko ndashaka kubashimira ku bw’ubufasha bwanyu n’uburyo muhora mutwizeye.

Ikintu cy’ingenzi n’ukugaruka dufite imbaraga nyinshi mu marushanwa akurikiyeho.Amahirwe masa ku Busuwisi.”

Kapiteni w’Ubufaransa Lloris yanze gutunga urutoki Mbappe wahushije Penaliti.Yagize ati “Dutsinda turi hamwe no gutsindwa turi hamwe.Nitwe ba nyirabayazana bo gusezererwa muri iri rushanwa.Nta gutungana intoki.Tugomba guhangana n’imvune ariko nta rwitwazo dufite.”

Mugenzi we Varane yavuze ko nta muntu wo kunenga muri uyu mukino batsinzwe aho yemeje ko penaliti ari nk’urusimbi bagombaga kuba batsinze kare kuko babonye amahirwe menshi aho kwizerera mu gutera penaliti.

Ubusuwisi bwatsinze Ubufaransa buzahura na Espagne kuwa 02 Nyakanga uyu mwaka muri 1/4 cy’irangiza cya Euro 2020.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Messi yahishuye amakipe aha amahirwe yo kugora PSG muri UEFA Champions...

Umunyabigwi mu mupira w’amaguru ukinira PSG, Lionel Messi, yashyize...
14 October 2021 0

Ombolenga agiye kumara ukwezi kose adakinira APR FC

Omborenga Fitina, umunyarwanda ukina ku ruhande rw’iburyo yugarira muri APR...
14 October 2021 0

Wa munya Brazil waje gukinira Rayon Sports yavuze intego ikomeye imuzanye...

Rutahizamu ukomoka muri Brazil,Chrismar Malta Soares,waje gukinira Rayon...
14 October 2021 1

Agnes Tirop wahagarariye Kenya mu mikino Olimpike i Tokyo yiciwe mu rugo...

Ibitangazamakuru byo mu gihugu cya Kenya biri kuvuga cyane ku rupfu rwa...
13 October 2021 0

N’golo Kante yakoze ku mutima abakozi bo muri Resitora yagiye gufatiramo...

N’golo Kante yongeye kwerekana ko ari we mukinnyi wicisha bugufi kurusha...
13 October 2021 0

Edinson Cavani yasabwe gukora ikintu gikomeye kubera Cristiano...

Rutahizamu Edinson Cavani yasabwe kuva muri Manchester United kubera ko...
13 October 2021 0