Rutahizamu w’Umufaransa,Alexandre Lacazette wasoje amasezerano y’imyaka 5 yari afite muri Arsenal yongeye gusinyishwa n’ikipe ya Lyon y’iwabo.
Uyu mukinnyi wari umaze imyaka 5 i London,yafashije Arsenal uko yari ashoboye ariko yo ntiyamwongereye amasezerano mashya ariyo mpamvu yahisemo kwisubirira muri iyi kipe yaturutsemo amaze kuyikoramo amateka.
Lacazette yasinyiye Lyon amasezerano y’imyaka 3 azarangira muri 2025.
Alexandre Lacazette muri Arsenal yayikiniye imikono 158 ayitsindira ibitego (...)

Sponsored Ad

Rutahizamu w’Umufaransa,Alexandre Lacazette wasoje amasezerano y’imyaka 5 yari afite muri Arsenal yongeye gusinyishwa n’ikipe ya Lyon y’iwabo.

Uyu mukinnyi wari umaze imyaka 5 i London,yafashije Arsenal uko yari ashoboye ariko yo ntiyamwongereye amasezerano mashya ariyo mpamvu yahisemo kwisubirira muri iyi kipe yaturutsemo amaze kuyikoramo amateka.

Lacazette yasinyiye Lyon amasezerano y’imyaka 3 azarangira muri 2025.

Alexandre Lacazette muri Arsenal yayikiniye imikono 158 ayitsindira ibitego 54, yatwaranye na Arsenal FA Cup ya 2019-2020 batsinze Chelsea (2-1) na FA community shield ya 2017 batsinze nabwo Chelsea kuri penalty (4-1).

Aganira na Canal Plus muri Mata, Lacazette yavuze ko "atigeze ahagarika umubano" n’ikipe yakuriyemo ya Lyon.

Lyon yavuze ko "bishimiye cyane kandi ko bishimiye" gutangaza ko Lacazette agarutse muri iyi kipe yinjiyemo afite imyaka 12, yongeraho ko kongera gusinyana amasezerano "ari byo byari bishyizwe imbere mu mezi menshi".

Lacazette, w’imyaka 31, yazamukiye mu makipe y’abana ya Lyon maze atsinda ibitego 129 mu mikino 275 yayikiniye mu marushanwa yose,nyuma yo kwinjira mu ikipe ya mbere muri 2009-10.

Yasinyishijwe na Arsene Wenger muri 2017, kuri miliyoni 52.6 z’amapawundi arimo n’inyongera,bituma akuraho agahigo k’ayaguzwe Mesut Ozil muri 2013,angana na miliyoni 42.4 avuye muri Real Madrid.