Kizigenza Lionel Messi ashobora gusimbura Cristiano Ronaldo ku mwanya wa mbere mu binjiza agatubutse kuri Instagram nyuma yo kwinjiza miliyoni icyenda z’amapawundi kubera amafoto yerekana igikombe cy’isi yatwaye.
Ronaldo yinjizaga miliyoni ebyiri kuri buri kintu yashyize kuri uru rubuga muri 2022, mu gihe Messi yahabwaga miliyoni imwe n’igice y’amapawundi hanyuma Virat Kohli ukina Cricket akaza ku mwanya wa 3 n’ibihumbi 902,000 kuri buri kintu ashyize kuri Instagram.
Ronaldo na Messi (…)

Kizigenza Lionel Messi ashobora gusimbura Cristiano Ronaldo ku mwanya wa mbere mu binjiza agatubutse kuri Instagram nyuma yo kwinjiza miliyoni icyenda z’amapawundi kubera amafoto yerekana igikombe cy’isi yatwaye.

Ronaldo yinjizaga miliyoni ebyiri kuri buri kintu yashyize kuri uru rubuga muri 2022, mu gihe Messi yahabwaga miliyoni imwe n’igice y’amapawundi hanyuma Virat Kohli ukina Cricket akaza ku mwanya wa 3 n’ibihumbi 902,000 kuri buri kintu ashyize kuri Instagram.

Ronaldo na Messi bayoboye abandi bakinnyi mu mikino yose kwishyurwa menshi kuri Instagram ahanini bitewe n’amasezerano bafitanye n’uru rubuga.

Messi akomeje kwitwara neza kuri uru rubuga kuko mu kwezi gushize yakoze agashya ifoto ye ahetswe na Aguero ateruye igikombe cy’isi ikundwa n’abantu miliyoni 75 ihita ica agahigo ko kuba iya mbere ikunzwe cyane.

Indi ye ya kabiri aryamye afite igikombe cy’isi nayo yarakunzwe cyane igira likes miliyoni zisaga 50.

Messi kugeza ubu afite abamukurikira kuri Instagram bangana na miliyoni 414 gusa arushwa na Cristiano Ronaldo ukurikirwa na miliyoni 528.

Igikombe cy’isi Messi aheruka gutwara cyamuzamuriye imibare kuri Instagram mu buryo butangaje ku buryo bishoboka ko mu minsi mike yazaba uwa mbere winjiza agatubutse kuri uru rubuga.

Uko abakinnyi barutanwa guhembwa kuri Instagram