Nyuma yo gusubiramo Tombola y’uko amakipe azahura muri 1/16 cy’irangiza cya UEFA Champions League,ikipe ya PSG itajya yoroherwa yatomboye Real Madrid mu gihe Atletico Madrid yari yatomboye Bayern Munich bwa mbere,ku nshuro ya 2 yatomboye Manchester United
Paris Saint-Germain yari yabanje gutombora United muri Tombola yabanje,yahuye n’uruva gusenya muri tombola ya kabiri itombora Real Madrid ifite ibikombe byinshi bya UEFA champions League.
Messi azahura n’ikipe atakwigera akinira ya Real (...)

Sponsored Ad

Nyuma yo gusubiramo Tombola y’uko amakipe azahura muri 1/16 cy’irangiza cya UEFA Champions League,ikipe ya PSG itajya yoroherwa yatomboye Real Madrid mu gihe Atletico Madrid yari yatomboye Bayern Munich bwa mbere,ku nshuro ya 2 yatomboye Manchester United

Paris Saint-Germain yari yabanje gutombora United muri Tombola yabanje,yahuye n’uruva gusenya muri tombola ya kabiri itombora Real Madrid ifite ibikombe byinshi bya UEFA champions League.

Messi azahura n’ikipe atakwigera akinira ya Real Madrid mu gihe Ramos we azaba atashye aho yambariye inkindi.

Chelsea vs Lille nibo bonyine bagarutse nkuko bari bahujwe muri tombola yari yabanje.

Ibi bivuze ko Messi azahangana na Benzema na bagenzi be hakiri kare muri iri rushanwa mu gihe Neymar na Mbappe nabo bazagaruka ku kibuga Santiago Bernabeu.

Imikino ibanza hagati y’aya makipe yatomboranye izaba kuwa 15/16/Gashyantare indi ibe mu kindi cyumweru kuwa 22 na 23 Gashyantare 2022.

Imikino yo kwishyura izaba kuwa 8/9/ Werurwe 2022 no kuwa 15/16 Werurwe 2022.

Amakipe yabaye aya kabiri niyo azabanza kwakira imikino ibanza mu gihe iyo kwishyura izabera ku bibuga by’ayayoboye amatsinda.

Manchester United igiye guhura na Atletico Madrid mu marushanwa y’i burayi ku nshuro ya mbere kuva mu Ugushyingo 1991.Ubwo baheruka guhura Abanya Espagne basezereye United mu cyiciro cya kabiri cy’igikombe cy’abatwaye ibikombe iwabo.

Paris igiye guhura na Real Madrid mu mikino yo gukuranamo mu marushanwa y’uburayi ku nshuro ya 4. PSG yayisezereye kabiri (1992/93 na 1993/94), mu gihe ikipe ya Madrid yakuyemo abanya Paris muri Champions League 2017/18.

Real Madrid yatsinzwe umukino umwe gusa mu mikino itandatu ya Champions League yakinnye na PSG (W3 D2)

Uko tombola yose yagenze:

PSG vs Real Madrid
Salzburg vs Bayern Munich
Sporting Lisbon vs Man City
Benfica vs Ajax
Chelsea vs Lille
Atletico Madrid vs Man Utd
Villarreal vs Juventus
Inter vs Liverpool