Rutahizamu w’ikipe ya FC Barcelone; Lionel Messi yongereye amasezerano azageza mu 2021 ari muri iyi kipe yo muri Espagne. Uyu munya-Algentine amasezerano ye mashya azarangira kuwa 30 Kamena 2021 ariko akaba ashobora kwiyongeraho umwaka umwe.
Ikipe ya Barcelona yatangaje ibi mu gitondo cyo kuri uyu wa 05 Nyakanga 2017. Ni nyuma y’ibiganiro byahuje impande zombie. Messi w’imyaka 30, wageze muri FC Barcelone afite imyaka 13 y’amavuko , azasinya aya masezerano ubwo azaba agarutse mu ikipe (...)

Sponsored Ad

Rutahizamu w’ikipe ya FC Barcelone; Lionel Messi yongereye amasezerano azageza mu 2021 ari muri iyi kipe yo muri Espagne. Uyu munya-Algentine amasezerano ye mashya azarangira kuwa 30 Kamena 2021 ariko akaba ashobora kwiyongeraho umwaka umwe.

Ikipe ya Barcelona yatangaje ibi mu gitondo cyo kuri uyu wa 05 Nyakanga 2017. Ni nyuma y’ibiganiro byahuje impande zombie. Messi w’imyaka 30, wageze muri FC Barcelone afite imyaka 13 y’amavuko , azasinya aya masezerano ubwo azaba agarutse mu ikipe hategurwa umwaka utaha w’imikino.

Uyu mukinnyi yatsinze ibitego 507 mu mikino 583 amaze gukinira FC Barcelone mu marushanwa yose, kuva mu 2004. Messi azajya ahabwa akayabo k’amayero ibihumbi 500 ku cyumweru n’agahimbazamusyi kangana n’ibihumbi 264 by’Amayero.

Mu cyumweru gishize nibwo Messi yambikanye iy’urudashira n’umukunzi we; Antonela Rocuzzo usanzwe ari umunyamideli ukomeye bamaranye imyaka 25 mu munyenga w’urukundo.

Amasezerano uyu mukinnyi yari asanganywe muri Barcelone, yagombaga kurangirana n’impeshyi y’umwaka utaha wa 2018.

Messi yageze muri iyi kipe bwa mbere itozwa na Frank Rijkaard mu 2004. Yatwaye shampiyona ya Espagne inshuro 8, Champions League 4, na Copa del Rey inshuro 5.

AMAFOTO Y’U BUKWE BWA MESSI