skol
Kigali
Fortebet

Lionel Messi yahaye ubutumwa amakipe ku busatirizi bwe na Neymar Jr na Mbappe

Imyidagaduro   Yanditswe na: Dusingizimana Remy 29 September 2021

Rutahizamu Lionel Messi waraye atsindiye Paris Saint-Germain igitego cya mbere bakina na Man City muri UEFA Champions League,yavuze ko yizera ko ubufatanye bwe na Kylian Mbappe na Neymar ’buzagenda bumera neza cyane kuri buri mukino’.


Lionel Messi wari warabuze igitego muri PSG,yatsinze igitego cyiza mu ijoro ryakeye ndetse ahesha iyi kipe ye ya mbere batsinda City muri Champions League uyu mwaka,yavuze ko yishimiye cyane iki gitego.

Ati "Byari ijoro ryiza duhanganye n’ikipe ikomeye.Kuri twe, byari ngombwa cyane gutsinda uyu mukino nyuma yo kunganya igitego 1-1 na Brugge ku munsi wa mbere.

Nishimiye cyane kuba natsinze igitego. Ntabwo nakinnye cyane kuva nahagera, nari nakinnye umukino umwe gusa. Ndimo kumenyera buhoro buhoro. Icyangombwa ni ugukomeza gutsinda."

Muri uyu mukino Messi yigaragajemo,yahanye imipira 15 yose na Neymar hanyuma ahana 13 na Mbappé ndetse atsinda igitego cya mbere mu ikipe itari FC Barcelona yamazemo imyaka isaga 20.

Abajijwe ku mikoranire ye na bariya bakinnyi b’ibyamamare,yavuze ko bazagenda bamenyerana kandi ko ibintu bizaba byiza cyane.

Ati "Umubano wacu uzagenda urushaho kuba mwiza kuri buri mukino. Twese tugomba gukurira hamwe,tukongera urwego rw’imikinire. Tugomba gukomeza.

Twatsinze umukino w’ingenzi cyane duhanganye na mukeba ukomeye, wageze ku mukino wa nyuma umwaka ushize. Tugomba gukomeza gutera imbere, kunoza ibintu byinshi ku bw’ejo hazaza."

Messi w’imyaka 34, yari yatangiye umukino umwe wa Ligue 1 n’umukino umwe wa Champions League mbere y’ijoro ryo kuri uyu wa kabiri nyuma yo kugera i Paris ariko agaragaza ibimenyetso by’uko ataragaruka neza

Yaraye atsinze ibitego cya 121 muri iri rushanwa -arushwa 14 na Cristiano Ronaldo ufite agahigo.Iki n’igitego cya 27 yatsinze mu mikino 35 yakinnye n’amakipe yo mu bwongereza mu mikino y’i Burayi.

Umutoza wa PSG, Mauricio Pochettino, yashimishijwe cyane nuko ikipe ye yakomeje itangira ryiza muri shampiyona,kuko batsinze imikino umunani yose.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Cristiano Ronaldo yateye umwuka mubi hagati y’umutoza Ten Hag...

Umuyobozi wungirije wa Manchester United, Joel Glazer, akomeje kurwanya...
16 August 2022 0

Vipers SC yashimiye Rayon Sports yayikoreye ibyo "itigeze ibona"

Ikipe ya Vipers SC yo muri Uganda,yashimiye byimazeyo inshuti yayo nshya...
16 August 2022 0

Rayon Sports igiye kuzana umunyezamu mushya wo mu Baturanyi

Umunyezamu w’umurundi w’imyaka 23 y’amavuko,Rukundo Onesme,wakiniraga ikipe ya...
16 August 2022 0

Mbappe na Neymar Jr bari barwaniye mu rwambariro bagenzi babo...

Umubano wa Kylian Mbappe na mugenzi we Neymar Jr bakinana muri PSG wongeye...
16 August 2022 0

Vipers SC yatumye Rayon Sports isoza nabi "Umunsi w’Igikundiro...

Imyaka 2 yikurikiranya Rayon Sports idatsinda k’ Umunsi w’Igikundiro kuko...
16 August 2022 0

Rayon Sports yerekanye abakinnyi izakoresha mu birori by’agatangaza...

Kuri uyu wa Mbere tariki ya 15 Kanama 2022,nibwo habaye umunsi mukuru...
15 August 2022 0