Kizigenza Lionel Messi yaciye kuri Cristiano Ronaldo atsinda igitego ikipe ya 39 muri Champions League.
Maccabi Haifa, yabaye ikipe ya 39 yinjije igitego muri Champions League kaba agahigo katakorwa n’undi mukinnyi.
Messi niwe mukinnyi wenyine mu mateka ya Champions League utsinze igitego mu myaka 18 yikurikiranya muri iri rushanwa rihebuje.
PSG yatunguwe n’igitego cya kare mu ijoro ryo kuri uyu wa gatatu, ubwo Maccabi Haifa yatsindirwaga na Tjaronn Chery ku munota wa 24.
Ariko (…)

Kizigenza Lionel Messi yaciye kuri Cristiano Ronaldo atsinda igitego ikipe ya 39 muri Champions League.

Maccabi Haifa, yabaye ikipe ya 39 yinjije igitego muri Champions League kaba agahigo katakorwa n’undi mukinnyi.

Messi niwe mukinnyi wenyine mu mateka ya Champions League utsinze igitego mu myaka 18 yikurikiranya muri iri rushanwa rihebuje.

PSG yatunguwe n’igitego cya kare mu ijoro ryo kuri uyu wa gatatu, ubwo Maccabi Haifa yatsindirwaga na Tjaronn Chery ku munota wa 24.

Ariko ikipe ya Christophe Galtier rwishyuye iki gitego habura iminota umunani ngo igice cya mbere kirangire,ibifashijwemo na Messi.

Uyu munya Argentine w’imyaka 35, yatsinze bitamugoye nyuma y’akazi gakomeye kari kamaze gukorwa na Kylian Mbappe.

N’igitego cye cya 126 muri Champions League aho arushwa 14 gusa na Ronaldo ufite 140.

Ubu Messi niwe uri muri Champions League cyane ko uyu Ronaldo bahanganye ari muri Manchester United iri muri Europa League.

Ronaldo yegukanye igikombe cya Champions League inshuro eshanu - imwe na Manchester United mu 2008 ndetse n’inshuro enye na Real Madrid muri 2014, 2016, 2017 na 2018.

Hagati aho, Messi yatwaye iki gikombe inshuro enye - muri 2006, 2009, 2011 na 2015.

Nibo bakinnyi babiri bonyine batsinze ibitego 100 muri iri rushanwa -mu gihe Robert Lewandowski ubakurikira afite 89, imbere ya Karim Benzema ufite 86.