skol
Kigali

Lionel Messi yakoze ku mutima umufana we wishyizeho igishushanyo cye mu mugongo

Imyidagaduro   Yanditswe na: Dusingizimana Remy 22 June 2021

Rutahizamu wa FC Barcelona,Lionel Messi,yakoze ku mutima w’umufana we ukomoka muri Brazil,Igor Magalhães,wamwishushanyijeho mu mugongo kubera urukundo rudasanzwe amukunda n’ikipe ya FC Barcelona akinira.


Messi uri mu mikino ya Copa America iri kubera muri Brazil,yarimo kwishyushya mbere y’umukino na bagenzi be hanyuma umunyamakuru wa TyC Sports abona uyu mufana niko kumufotora ashyira ifoto ku mbuga nkoranyambaga.

Messi yaje kubona iyi foto arayikunda hanyuma yandikaho ngo "Mbega igishushanyo cyiza!.Ndayikunze cyane.Ndashaka kuyibona nkayisinyaho."

Mu cyumweru gishize nibwo Messi yahuriye n’uyu mufana kuri Hoteli barimo amusinya mu mugongo imbere y’imbaga y’abantu benshi.

Abandi bafana bari hafi aho bari bishimiye uyu mugenzi wabo wishushanyijeho Messi mu mugongo ndetse iki cyamamare akunda kigahura nawe.

Magalhães yahise yirukira ku mbuga nkoranyambaga ze ahita yandikaho ati "Ubu naruhuka mu mahoro."

Uyu mufana yishushanyijeho Messi yishimira igitego yatsinze Real Madrid muri 2017,aho yakuyemo umupira we arangije yereka abafana b’iyi kipe y’I Madrid izina rye na nimero 10.

Mu mashusho yashyizwe hanze na Goal yagaragaje aho Messi yasinye mu mugongo w’uyu mufana munsi y’iki gishushanyo.

Messi yishimiye iki gishushanyo gusa uyu mufana yari afite n’ibindi bishushanyo ku mubiri zirimo ururabo,inkota n’amababa ndetse na Yesu.

Messi na bagenzi be bari kwitwara neza muri Copa America aho bamaze gutsinda imikino 2 banganya umwe na Chili.




Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Cristiano Ronaldo yashimangiye ko ari umwami wa Champions League arokora...

Umunyabigwi mu mupira w’amaguru,Cristiano Ronaldo,yongeye gushimangira ko...
21 October 2021 0

APR FC na Rayon Sports zizesurana ku munsi wa 4 wa shampiyona...

Ishyirahamwe ry’umupira w’amaguru mu Rwanda ryashyize hanze ingengabihe y’uko...
20 October 2021 0

Hamenyekanye umutoza Cristiano Ronaldo yifuza ko asimbura Solskjaer

Umutoza wa Ole Gunnar Solskjaer akomeje guhura n’igitutu kuri Old Trafford...
20 October 2021 0

"Umunya Brazil Chrismar Soares ntazatangirana Shampiyona na Rayon Sports "-...

Umutoza wa Rayon Sports,Masudi Irambona Juma,yatangaje ko mu bakinnyi afite...
20 October 2021 0

FIFA yahaye igihano gikomeye Rayon Sports kubera kwambura umukinnyi...

FIFA yahaye Rayon Sports igihano cyo kutazagura abakinnyi bashya guhera...
19 October 2021 0

Umutoza Solskjaer yashwanye na rutahizamu we bapfa ibyo yamuvuzeho

Abahagarariye Marcus Rashford ntabwo bishimiye umutoza wa Manchester United...
19 October 2021 0