Lionel Messi yahishuye mu buryo bwihariye ko Pep Guardiola yangije cyane umupira wamaguru mu gihe yamaze muri Barcelona.
Aba bombi bakoranye muri Barcelona hagati ya 2008 na 2012, batwara ibikombe bitatu bya La Liga na Champions League ebyiri.
Guardiola yagize uruhare runini mu mwuga wa Messi n’umupira w’amaguru ugezweho muri rusange. Yibanze cyane ku kugumana umupira no kurema uburyo bwinshi butanga ibitego bituma abatoza benshi bigana imikinire ye.
Abatoza bake nibo bageze ku bigwi (...)

Sponsored Ad

Lionel Messi yahishuye mu buryo bwihariye ko Pep Guardiola yangije cyane umupira wamaguru mu gihe yamaze muri Barcelona.

Aba bombi bakoranye muri Barcelona hagati ya 2008 na 2012, batwara ibikombe bitatu bya La Liga na Champions League ebyiri.

Guardiola yagize uruhare runini mu mwuga wa Messi n’umupira w’amaguru ugezweho muri rusange. Yibanze cyane ku kugumana umupira no kurema uburyo bwinshi butanga ibitego bituma abatoza benshi bigana imikinire ye.

Abatoza bake nibo bageze ku bigwi nk’ibya Guardiola, wegukanye ibikombe bya shampiyona muri Bayern Munich na Manchester City.

Messi yizera ko ibyo Barcelona yashoboye kugeraho muri iyo myaka ine byatumye uburyo bw’imikinire bw’uyu munya Espagne ’busa nk’ubworoshye’.

Nk’igisubizo, buri wese yagerageje kwigana Guardiola aho benshi mu batoza bifuza ko abakina inyuma ku mpande bakina basatira cyangwa abakina mu mutima w’ubwugarizi bakaza hagati.

Mu kiganiro kidasanzwe yagiranye na Movistar Plus, uyu mukinnyi ukomeye wa Paris Saint-Germain yagize ati: "Guardiola yangije byinshi mu mupira w’amaguru. Byasaga naho byoroshye[gutsinda],ku buryo buri wese yashatse kwigana imikinire ye."

Jorge Valdano yongeyeho ati: "Mu by’ukuri, muri buri cyiciro ndetse no mu cyiciro cya gatatu ba myugariro bo hagati birukira imbere."

Messi yahise asubiza ati: "Yego, nyuma nasanze ba Guardiola benshi hirya no hino. Nibwo umenya ibyo twagezeho."

Abajijwe niba Guardiola ariwe mutoza mwiza kurusha abandi bose yahuye nabo, Messi watwaye Ballon d’or inshuro zirindwi, yagize ati: "Nta washidikanya, Guardiola ni umwihariko, mu buryo bwihariye abona imikino yose, kuyitegura ndetse n’uburyo avugana n’abakinnyi. "

Ikiganiro Messi yagiranye na Movistar giteganijwe kujya hanze kuri uyu wa mbere mu rwego rwo kwitegura igikombe cy’isi kizatangira ku ya 20 Ugushyingo.

Uyu mukinyi w’imyaka 35 azaba ari kapiteni wa Argentine izatozwa na Lionel Scaloni muri Qatar,imaze imikino 35 yikurikiranya idatsindwa.

Argentine iri mu itsinda C mu gikombe cy’isi hamwe na Arabia Saoudite, Mexico na Polonye.