skol
Kigali

Lionel Messi yasoje amasezerano ye muri Barcelona amakipe atangira kumwirukaho

Imyidagaduro   Yanditswe na: Dusingizimana Remy 1 July 2021

Manchester City, Paris St-Germain - rurahinanye. Umwe mu bakinnyi beza b’ibihe byose ubu ni umukinnyi wigenga.

Yego, amezi 12 arashize ashatse kuva muri Barcelona bikanga, Lionel Messi ubu nta masezerano afite.

Iki cyamamare cyo muri Argentine amasezerano yacyo yarangiye mu ijoro ryacyeye, ntabwo aremera kuyongera.

Ibiganiro ku masezerano mashya bivugwa ko biri kuba, bivuze ko Messi ashobora guhitamo kuguma i Nou Camp.

Ariko ubu, ashobora gutwarwa n’indi kipe ntacyo yishyuye Barcelona.

Umwaka w’imikino utaha azakina he?

Guillem Balague umwanditsi w’imikino muri Espagne mu ntangiriro z’iki cyumweru yavuze ko Barcelona "yazamuye urwego rwo kwihutirwa" kw’ibiganiro, mu cyizere ko batangaza amasezerano ye mashya y’imyaka ibiri mbere y’uku kwezi kwa karindwi.

Yagize ati: "Kongera amasezerano ya Messi ni intego y’ibanze ya perezida mushya Joan Laporta kandi ubu ari kuvugana na se wa Messi ubwe ari nawe umuhagarariye, Jorge Messi.

"Kugira ngo babashe kumugumana, bizasaba iyi kipe kugabanya imari ikoresha ho asaga miliyoni 200 z’ama-euro kugira ngo ihuze n’ingingo ya ’Financial Fair Play’ isabwa muri La Liga.

"Messi azi inyungu ziri mu yandi makipe, ariko kugeza ubu ntaravugana n’imwe muri zo, ategereje mbere na mbere kumva icyo Barcelona itanga."

Messi w’imyaka 34 byagiye bivugwa ko ashakwa cyane na Paris Saint-Germain na Manchester City, aho ashobora guhurira n’uwahoze amutoza Pep Guardiola, bivugwa kandi ko ashakwa no muri shampiyona ya Amerika.

Ubu ari muri Brazil aho ari gukina irushanwa rya Copa America na Argentine, ndetse yabaye umukinnyi wayihamagawemo kenshi ubwo kuwa kabiri yayikiniye ku nshuro ya 148 bakina na Bolivia atsinda ibitego bibiri muri 4 - 1 batsinze.

Ibihe bya ’transfer’ bya Lionel Messi

25 -08 -2020 - Messi yoherereje Fax Barcelona ayibwira icyifuzo cye cy’ingingo yo mu masezerano imwemerera kujya mu yindi kipe ako kanya.

4- 09 -2020 - Messi yavuze ko agumye muri Barcelona kuko "bidashoboka" ko hari ikipe yakwishyura miliyoni 700euro y’ingingo yo kumurekura, iyo Barcelona yasabaga ko yubahirizwa.

27 -10- 2020 - perezida wa Barcelona Josep Maria Bartomeu utarumvikanye na Messi ku kuba yava muri iyi kipe, yareguye.

28 -12 -2020 - Messi yavuze ko yizeye ko umunsi umwe azakina muri Amerika, ariko ko atazi neza iby’ahazaza he igihe amasezerano ye azaba arangiye.

31 -01 - 2021 - Barcelona yavuze ko izarega ikinyamakuru El Mundo nyuma y’uko gitangaje ibikubiye mu masezerano ya Messi, y’agaciro ka miliyoni 492 z’amaPound y’imyaka ine.

16 -05 - 2021 - Umutoza Ronald Koeman yavuze ko yizeye ko Messi adakinnye umukino we wa nyuma, nyuma yo gutsindwa na Celta Vigo 2 -1 bikarangiza ikizere ku gikombe, bwa mbere kandi bakajya hanze y’amakipe abiri ya mbere kuva mu 2007 - 08.

22 -05 - 2021 - Paris St-Germain bikekwa ko iri gukurikirana bya hafi iby’amasezerano ya Messi.

28 -05 - 2021 - perezida wa Barcelona Joan Laporta yavuze ko bataragera ku masezerano mashya ya Messi ariko "ibintu biri kugenda neza".

1 -07 - 2021 - Amasezerano ya Messi muri Barcelona ararangiye ubu ni umukinnyi udafite amasezerano.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Hamenyekanye umutoza Cristiano Ronaldo yifuza ko asimbura Solskjaer

Umutoza wa Ole Gunnar Solskjaer akomeje guhura n’igitutu kuri Old Trafford...
20 October 2021 0

"Umunya Brazil Chrismar Soares ntazatangirana Shampiyona na Rayon Sports "-...

Umutoza wa Rayon Sports,Masudi Irambona Juma,yatangaje ko mu bakinnyi afite...
20 October 2021 0

FIFA yahaye igihano gikomeye Rayon Sports kubera kwambura umukinnyi...

FIFA yahaye Rayon Sports igihano cyo kutazagura abakinnyi bashya guhera...
19 October 2021 0

Umutoza Solskjaer yashwanye na rutahizamu we bapfa ibyo yamuvuzeho

Abahagarariye Marcus Rashford ntabwo bishimiye umutoza wa Manchester United...
19 October 2021 0

Rayon Sports yasinyishije abakinnyi 3 b’inararibonye bayinyuzemo

Ikipe ya Rayon Sports yatangaje ko yamaze gusinyisha amasezerano y’umwaka 1...
18 October 2021 0

Bakame yasinyiye Police FC yemeye kumuhemba umushahara utubutse

Umunyezamu w’umunyabigwi mu Rwanda,Ndayishimiye Eric uzwi nka Bakame yasinye...
18 October 2021 0