Kuri iki cyumweru, Neymar na Lionel Messi bavugirijwe induru n’abafana babo mu mukino ikipe yabo ya Paris St Germain yatsinze Bordeaux ibitego 3-0.
Ibitego byatsinzwe na Kylian Mbappe, Neymar na Leandro Paredes byatumye PSG isiga amanota 15 iyikurikiye ku rutonde rwa Ligue 1.
Icyakora abafana ba PSG bari mu rugo bagaragaje ko batishimiye uko basezerewe muri Champions League na Real Madrid.
Ibi babigaragaje ubwo bavugirizaga induru abakinnyi babo barimo Lionel Messi na Neymar Jr (...)

Sponsored Ad

Kuri iki cyumweru, Neymar na Lionel Messi bavugirijwe induru n’abafana babo mu mukino ikipe yabo ya Paris St Germain yatsinze Bordeaux ibitego 3-0.

Ibitego byatsinzwe na Kylian Mbappe, Neymar na Leandro Paredes byatumye PSG isiga amanota 15 iyikurikiye ku rutonde rwa Ligue 1.

Icyakora abafana ba PSG bari mu rugo bagaragaje ko batishimiye uko basezerewe muri Champions League na Real Madrid.

Ibi babigaragaje ubwo bavugirizaga induru abakinnyi babo barimo Lionel Messi na Neymar Jr batigaragaje mu mukino wo kuwa 3 warangiye batsinzwe na Real Madrid ibitego 3-1.

Mu gice cya mbere, abafana ba PSG bakomereye Messi na Neymar ubwo bari bahagaze bagiye gutera free kick,ndetse bavugiriza induru Neymar ayiteye hejuru.

Mbappe yahise atsindira PSG iigitego 1-0 ku munota wa 24 abafana barishima cyane. Neymar yahise ayitsindira igitego cya kabiri ku munota wa 52, ariko abafana bahita bamuvugiriza induru ntiyishimira igitego cye.

Itsinda rya "Ultra" rifana ikipe ya PSG ryiyise Collectif Ultras Paris, ryasohoye itangazo kuri Twitter mbere y’umukino, rinenga cyane icyerekezo cyiyi kipe.

Itangazo rigira riti"Paris Saint-Germain yacu ikwiye abantu bayikorera, ntabwo ari abantu ikorera. Ku mukino wa Bordeaux ku cyumweru, tuzerekana ko tutishimye kandi turasaba abantu bose bakunda iyi kipe,bazaba bahari, kwifatanya natwe muri iki gikorwa kitarimo urugomo. "

Umutoza wa PSG, Mauricio Pochettino, yatangarije urubuga rw’iyi kipe ati: “Twese twarababaye nyuma y’umukino wa Champions League ariko ntidushobora guhagarara.

Tugomba kumenya icyo dukwiriye gukora kugira ngo kuzamura urwego ariko ndatekereza ko amanota 3 uyu munsi yari ngombwa kugirango tugume ku mwanya mwiza ku rutonde rwa shampiyona."