Liverpool ibashije kwihagararaho ku kibuga cya AS Roma itsindwa ibitego 4-2 biyifashije gukatisha itike iyerekeza ku mukino wa nyuma wa UEFA Champions League,izahuramo na Real Madrid ku wa 26 Gicurasi 2018.

Nubwo AS Roma itsinze Liverpool ibitego 4-2 mu mukino wo kwishyura wa ½ cya UEFA Champions League,ntibiyihaye itike yo kugera ku mukino wa nyuma wa Champions League, kuko Liverpool yari yayitsinze ibitego 5-2 mu mukino ubanza wabereye Anfield.

Liverpool yabyaje umusaruro amakosa y aba myugariro ba Roma ibatsinda igitego cya mbere ku munota wa 9 gitsinzwe na Sadio Mane ku mupira mwiza yahawe na Roberto Firmino.

AS Roma ntiyacitse intege yahise itangira kurusha Liverpool Hagati byatumye ku munota wa 15 yishyura igitego cyitsinzwe na James Milner ku mupira yashoswe ku kugura na Virgil Van Dijk bakinana.

Liverpool itakanzwe n’uko iri ku kibuga cyo hanze yabonye andi mahirwe imbere y’izamu rya Roma ku munota wa 25,Georginio Wijnaldum ku mutwe mwiza yateye mu izamu umunyezamu Allison Becker ntiyabasha kuwugarura.

Liverpool yarangije igice cya mbere iyoboye n’ibitego 2-1,gusa yaje kugorwa n’igice cya kabiri kuko yinjijwemo ibitego 3 byose ndetse habura gato ngo iyi AS Roma iyishyure berekeza mu minota 30 y’inyongera.

Ku munota wa 53 Edin Dzeko yishyuriye AS Roma igitego amakipe yombi ahita anganya ibitego 2-2 mbere y’uko Radja Nainggolan atsindira ibitego 2 AS Roma birimo ishoti rikomeye yateye ku munota wa 86, umupira ugakubita igiti cy’izamu ukinjira mu izamu ndetse na penaliti yatsinze mu munota y’inyongera.

Liverpool ibashije kugera ku mukino wa nyuma itsinze AS Roma ibitego 7-6 mu mikino yombi ubanza n’uwo kwishyura.