Uyu munsi nibwo habaye Tombola y’uko amakipe azahura muri 1/16 cya Europa League aho amakipe yo mu bwongereza yatomboye amakipe akomeye.

Amakipe atatu ya Premier League ari muri Europa League ni Brighton, Liverpool na West Ham,yose yamenye ayo bazahura.

Ikipe ya Liverpool izakina na Sparta Prague yo muri Czech Republic mu gihe ishaka gusezera neza Jurgen Klopp utazakomeza kuyitoza

Hagati aho, Brighton izahura na AS Roma nyuma yo kuza ku isonga mu "itsinda ry’urupfu" ryarimo Marseille na Ajax.

Westham irashaka gukora amateka yo kongera kugera ku mukino wa nyuma w’igikombe cy’ i Burayi muri uyu mwaka nyuma yo gutwara UEFA Conference League ishize.

Urugendo rwabo rwo kugera ku mukino wa nyuma wikurikiranya i burayi ruzakomeza bahura na Freiburg mu mikino ya 1/16.

Liverpool ihabwa amahirwe menshi kurusha izindi yo kwegukana iki gikombe,izahura na Sparta Prague bahuye inshuro imwe gusa mu Burayi aho hari muri 1/32 cya Europa League mu mwaka w’imikino wa 2010-11.

Liverpool yatsinze igitego 1-0 mu mikino yombi cya Dirk Kuyt irakomeza mu kindi kiciro.

Umukino ubanza uzakinwa kuwa 07 Werurwe hanyuma uwo kwishyura ukinwe kuwa 14 Werurwe.

Uko Tombola yagenze:

Sparta Praha vs Liverpool
Marseille vs Villarreal
AS Roma vs Brighton
Benfica vs Rangers
Freiburg vs West Ham
Sporting CP vs Atalanta
Milan vs Slavia Praha
Qarabağ vs Leverkusen