Nyuma y’igihe bivugwa mu bitangazamukuru byinshi byo ku isi ko ikipe ya Manchester City yifuza umunyezamu w’umunya Brazil w’imyaka 23 Ederson Moraes wakiniraga Benfica Lisbon yo muri Portugal inkuru imaze kuba impamo ko uyu musore yageze muri iyi kipe ku kayabo ka miliyoni 34.7 z’amapawundi.
Uyu munyezamu wagize ibihe byiza ari kumwe na Benfica aje gufasha ikipe ya Manchester City kurinda ibitego nyuma y’aho abanyezamu babiri yari ifite umwaka w’imikino ushize Claudio Bravo na Willy (…)

Nyuma y’igihe bivugwa mu bitangazamukuru byinshi byo ku isi ko ikipe ya Manchester City yifuza umunyezamu w’umunya Brazil w’imyaka 23 Ederson Moraes wakiniraga Benfica Lisbon yo muri Portugal inkuru imaze kuba impamo ko uyu musore yageze muri iyi kipe ku kayabo ka miliyoni 34.7 z’amapawundi.

Uyu munyezamu wagize ibihe byiza ari kumwe na Benfica aje gufasha ikipe ya Manchester City kurinda ibitego nyuma y’aho abanyezamu babiri yari ifite umwaka w’imikino ushize Claudio Bravo na Willy Caballero batashoboye gukora ibyo basabwaga ni umutoza Pep Guardiola ndetse n’abafana b’iyi kipe izwi nka “The Citizens”.

Uyu munyezamu Ederson akaba aciye agahigo ko kugurwa amafaranga menshi mu Bwongereza dore ko uwaherukaga kugurwa akayabo ari David de Gea ubwo yavaga muri Atletico Madrid yerekeza muri Manchester United muri 2011.

Nyuma yo kugera mu Bwongereza uyu munyezamu yagize ati “Byari inzozi zanjye gukina mu Bwongereza none mbashije kubigeraho.Nkimenya iyi nkuru byanshimishije kandi nishimiye ko abantu babonye akazi keza nakoze.Manchester City n’ikipe ikomeye ifite abafana beza kandi ikina umupira mwiza.Niteguye kuyifasha gutwara ibikombe.”

Uyu munyezamu amaze gukina imikino 124 akaba yarabashije kumara imikino 53 atinjijwe igitego.Ederson akaba yarafashije ikipe ya Benfica gutwara igikombe cya shampiona ya Portugal uyu umwaka .