Ikipe ya Manchester City yashinjwe na Premier League kwica amategeko ajyanye n’ubukungu birimo kugura no kugurisha abakinnyi n’amasezerano bahabwa fikuva 2009 kugeza 2018.
Bimwe mu bihano ishobora guhabwa ibi byaha biyihamye harimo gukurwaho amanota,kwirukanwa muri shampiyona n’ibindi.
Ibi Premier League yabitangaje nyuma y’imyaka ine imaze ikora iperereza muri iyi kipe ku bakinnyi igura n’amasezerano ibaha.
Amakuru aravuga ko Man City yakoze ibyaha 100 byo kwica ayo mategeko bityo (…)

Ikipe ya Manchester City yashinjwe na Premier League kwica amategeko ajyanye n’ubukungu birimo kugura no kugurisha abakinnyi n’amasezerano bahabwa fikuva 2009 kugeza 2018.

Bimwe mu bihano ishobora guhabwa ibi byaha biyihamye harimo gukurwaho amanota,kwirukanwa muri shampiyona n’ibindi.

Ibi Premier League yabitangaje nyuma y’imyaka ine imaze ikora iperereza muri iyi kipe ku bakinnyi igura n’amasezerano ibaha.

Amakuru aravuga ko Man City yakoze ibyaha 100 byo kwica ayo mategeko bityo ishobora guhura n’uruva gusenya.

Amakuru aravuga ko iyi kipe ishobora gukatwa amanota ari hagati ya 15-20 kubera aya makosa.

Icyakora yo yabihakanye ivuga ko ibi birego ishinjwa biyitunguye ndetse igiye gufasha komisiyo yigenga gukora iperereza.

Premier League yasohoye itangazo ko ibi byaha byakozwe mu myaka y’imikino 9 kuva 2009-10 kugeza 2017-18 kandi ko ubu iki kirego kizakorwaho na komisiyo yigenga.

Muri iki gihe cyavuzwe,Man City yatwaye Premier League eshatu,FA Cup imwe na Carabao Cup eshatu.

Muri Gashyantare 2020 nabwo,Man City yari yahagaritswe muri Champions League inacibwa akayabo ka miliyoni 25 z’amapawundi nyuma yo guhamwa n’ibyaha byo kubeshya UEFA ndetse no kwica amategeko agenga kugura no kugurisha abakinnyi azwi nka financial fair play rules.

Ibyo bihano byaje gukurwaho nyuma yo gutsinda urubanza muri TAS ndetse iyi kipe icibwa amande ya miliyoni 9 z’amapawundi gusa.