Ikipe ya Manchester City imaze umwaka w’imikino itagira rutahizamu ufatika,yamaze kugura umunya Norway,Erling Haaland,wakinira ikipe ya Borussia Dortmund mu myaka 2 ishize.
Nkuko babitangaje kuri uyu wa Kabiri,City ya Pep Guardiola yamaze kumvikana n’uyu musore ukiri muto kuzayikinira umwaka utaha.
Manchester City yagize iti "Ikipe ya Manchester City iremeza ko twumvikanyeho na Borussia Dortmund ku kugura rutahizamu Erling Haaland uzagera mu ikipe ku ya 1 Nyakanga 2022.
Mu minsi ishize (…)

Ikipe ya Manchester City imaze umwaka w’imikino itagira rutahizamu ufatika,yamaze kugura umunya Norway,Erling Haaland,wakinira ikipe ya Borussia Dortmund mu myaka 2 ishize.

Nkuko babitangaje kuri uyu wa Kabiri,City ya Pep Guardiola yamaze kumvikana n’uyu musore ukiri muto kuzayikinira umwaka utaha.

Manchester City yagize iti "Ikipe ya Manchester City iremeza ko twumvikanyeho na Borussia Dortmund ku kugura rutahizamu Erling Haaland uzagera mu ikipe ku ya 1 Nyakanga 2022.

Mu minsi ishize nibwo byatangajwe ko Erling Haaland yamenyesheje Borussia Dortmund ko azajya mu yindi kipe shampiyona irangiye ndetse ngo Umuyobozi mukuru wa Manchester City, Ferran Soriano, yamenyesheje umuyobozi wa BVB Hans-Joachim Watzke mu cyumweru gishize ko City yiteguye kwishyura amafaranga yemejwe yo kurekura uyu mukinnyi ariyo miliyoni 75 z’amayero [ € 75 M].

Nkuko byemejwe,City yamaze kwishyura aka kayabo ndetse umushahara wa miliyoni 30 z’amayero niwo uzajya uhabwa uyu rutahizamu mu myaka 5 azayikinira

Haaland yatsinze ibitego 85 mu mikino 88 yakiniye Dortmund kuva yayinjiramo avuye muri RB Salzburg muri Mutarama 2020.

Nubwo ari umukinnyi ukunze kugira imvune,imboni ze imbere y’izamu zirakora cyane ku buryo buri wese yemera ubushobozi bwe bwo gutaha izamu.

Ikipe ya Manchester City iheruka rutahizamu ku bwa Sergio Aguero wayivuyemo amaze kuyitsindira ibitego bisaga 260 mu mikino yose yayikiniye.

Haaland ntabwo ahugwa imbere y’izamu