Ikipe ya Manchester United yatangiye urugendo rwo gushaka umutoza mushya aho yahaye ikizamini cy’ibazwa Umuholandi Erik Ten Hag utoza ikipe ya Ajax.
Uyu muholandi ufite ubuhanga bwo kuzamura abakinnyi bakiri bato,arahabwa amahirwe yo kuba umutoza mushya wa Manchester United.
Iyi kipe yakoze ubushakakashatsi kuri buri mutoza yifuza, ariyo mpamvu yahereye ku mutoza wa Ajax,imuganiriza.
Muri iyo nama, Erik Ten Hag yifuzaga kumva ibijyanye n’ingengo y’imari ya Manchester United hamwe na gahunda (...)

Sponsored Ad

Ikipe ya Manchester United yatangiye urugendo rwo gushaka umutoza mushya aho yahaye ikizamini cy’ibazwa Umuholandi Erik Ten Hag utoza ikipe ya Ajax.

Uyu muholandi ufite ubuhanga bwo kuzamura abakinnyi bakiri bato,arahabwa amahirwe yo kuba umutoza mushya wa Manchester United.

Iyi kipe yakoze ubushakakashatsi kuri buri mutoza yifuza, ariyo mpamvu yahereye ku mutoza wa Ajax,imuganiriza.

Muri iyo nama, Erik Ten Hag yifuzaga kumva ibijyanye n’ingengo y’imari ya Manchester United hamwe na gahunda z’ayo z’ejo hazaza. Urwego rwe mu cyongereza rumaze gutera imbere.Ten Hag arumva yiteguye kugerageza amahirwe muri Premier League vuba.

Ten Hag hamwe n’uwahoze ari umutoza wa Spurs, Mauricio Pochettino nibo bahabwa amahirwe menshi yo kuzavamo uhabwa aka kazi.

Nyuma y’ibyumweru byinshi iyi kipe ihuriza hamwe dosiye zabo, ubu amakuru aremeza ko uyu muholandi Ten Hag ashobora kuba umutoza wa United byibura imyaka itanu iri imbere.

Inshingano za mbere azahabwa n’ugusubiza United ku isonga mu mupira w’amaguru w’Ubwongereza n’Iburayi.

United irashaka gutangaza umutoza wayo mbere y’uko shampiyona irangira kugira ngo atangire akazi ko gushaka abakinnyi bashya bazamufasha mu mwaka w’imikino utaha.

Thomas Tuchel yari yagaragajwe nk’umukandida mushya kuri aka kazi kubera ibibazo by’ingutu biri muri Chelsea atoza.

Umutoza wa Ajax w’imyaka 52 wavuganye na United ku wa mbere,ashobora gukurikirwa n’abarimo Julen Lopetegui na Luis Enrique.

Erik Ten Hag uhabwa amahirwe yo kuba umutoza mushya wa United