skol
Kigali

BIDASUBIRWAHO!!!Manchester United yirukanye umutoza Ole Gunnar Solskjaer

Imyidagaduro   Yanditswe na: Dusingizimana Remy 21 November 2021

Inama yahuje ubuyobozi bwa Manchester United yafashe icyemezo cyo kwirukana umutoza wayo Ole Gunnar Splskjaer,nyuma y’ibiganiro byamaze amasaha 5 biga ku musaruro we mubi cyane.

Mu itangazo Manchester United yashyize hanze ku gicamunsi cyo kuri iki cyumweru,yagize iti "Manchester United iremeza ko Ole Gunnar Solskjaer yavuye ku mirimo ye nk’umutoza.

Warakoze ku bintu byose, Ole."

Itangazo ryakomeje riti "Ole azahora ari umunyabigwi muri Manchester United kandi birababaje kuba twageze kuri iki cyemezo kitoroshye. Nubwo ibyumweru bike bishize byari bibabaje, ntibigomba gukuraho imirimo yose yakoze mu myaka itatu ishize kugira ngo yongere kubaka umusingi wo gutsinda by’igihe kirekire.

Michael Carrick arakomeza kuyobora iyi kipe mu mikino iri imbere, mu gihe iri gushaka umutoza w’agateganyo uzatoza kugeza shampiyona irangiye.

Ole Gunnar Solskjaer waraye anyagiwe na Watford ibitego 4-1,yanze kwegura biba ngombwa ko hatumizwa inama y’igitaraganya yamaze amasaha 5 yo kumwirukana gusa United ntabwo irashyira hanze itangazo ryemeza ko uyu mutoza yirukanwe.

Ibitangazamakuru bikomeye nka The Times na Daily Mail biza ku isonga mu kumenya amakuru yose ya Man Utd,byari byavuze ko uyu munsi harasohoka itangazo ryirukana uyu munya Norway none byabaye impamo.

Mu gihe cya Ole,United niyo kipe yakoresheje menshi igura abakinnyi,kuko yatanze miliyoni 387 z’amapawundi ariko ntacyo byatanze kuko igikomeye yagezeho ari ukuba iya kabiri muri shampiyona umwaka ushize.

Umunyamakuru ukomeye mu gutangaza amakuru ari imbere mu makipe akaba impamo,Fabrizio Romano,yari yatangaje ati "Icyemezo cy’ubuyobozi bwa Manchester United cyo kwirukana Ole Gunnar Solskjær cyemejwe na Glazer. Byarangiye.

Itangazo ryemewe riri hafi, ubwumvikane bwumvikanyweho n’impande zombi mu kubaha Ole ngo batandukane.

Fletcher na Carrick nibo barahabwa ikipe by’agateganyo mu gihe nta gisubizo gihise kiboneka."

Mu mikino 5 iheruka,Ole yatsinzwemo 4 atsinda 1 ndetse ikipe ya United yari ku rwego rwo hasi cyane mu mikinire byatumaga buri wese ayinyagira.

Ba nyiri United aribo ba Glazers barifuza kumusimbuza Zinedine Zidane wahoze atoza Real Madrid, nubwo bivugwa ko bifuza na Brendan Rodgers, Erik Ten Hag na Mauricio Pochettino.

Kwirukana Solskjaer biratwara iyi kipe miliyoni 7.5 z’amapawundi nyuma y’aho uyu munya Norvege asinye amasezerano mashya y’imyaka itatu muri Nyakanga.

Ariko De Gea w’imyaka 31, ashimangira ko abakinnyi aribo bo kunengwa, atari Solskjaer,nyuma yo gutsindwa ku nshuro ya gatandatu mu mikino 11.

Umunya Espagne yagize ati: “Byari biteye isoni kubona Man United ikina nkuko twakinnye uyu munsi.

Ntabwo byemewe, uburyo turi gukina. Biroroshye gushinja umutoza cyangwa abakorana nawe ariko rimwe na rimwe ni abakinnyi. Tugomba kwerekana byinshi birenze ibyo dukora.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Suarez yahishuye impamvu ikomeye iri gutuma Messi atitwara neza muri...

Rutahizamu wa Atletico Madrid,Luis Suarez yatangaje ko impamvu iri gutuma...
6 December 2021 0

Masudi Djuma yahaye igisubizo abafana ba Rayon Sports bamusabiye...

Umutoza wa Rayon Sports,Masudi Irambona Djuma,yabwiye abafana ba Rayon...
6 December 2021 0

Umutoza wa Senegal yabwiye amagambo akomeye Klopp utoza Liverpool wibasiye...

Umutoza w’ikipe y’igihugu ya Senegal yasubije mu magambo akomeye umutoza wa...
6 December 2021 0

APR FC yasezerewe igeze ku muryango w’amatsinda ya CAF Confederations...

Ikipe ya APR FC yananiwe kugera mu matsinda ya CAF Champions League nyuma...
5 December 2021 0

Rayon Sports yongeye kuba insina ngufi imbere ya Kiyovu Sports

Ikipe ya Rayon Sports ikomeje kujya mu bihe bibi muri shampiyona y’u Rwanda...
5 December 2021 0

Cristiano Ronaldo na Luka Modric bagaragaje umukinnyi ukiri muto...

Ibyamamare muri ruhago,Cristiano Ronaldo na Luka Modric bombi batoye...
5 December 2021 0