Ikipe ya Manchester United yatangaje ko yumvikanye na Ajax ku masezerano yo kugura myugariro mpuzamahanga ukomoka muri Argentina, Lisandro Martinez, nyuma yo gukorwa ikizamini y’ubuzima,kumvikana ku masezerano ndetse n’ibisabwa birimo visa yo gukorera mu Bwongereza.
Lisandro Martinez yasinyanye na Man utd amasezerano y’imyaka 5 ashobora kuzongerwaho umwaka umwe.
Amafaranga yaguzwe Martinez ni miliyoni 55 z’amapawundi (€ 57m) harimo miliyoni 10 z’amayero aziyongeraho bitewe nuko uyu mukinnyi (...)

Sponsored Ad

Ikipe ya Manchester United yatangaje ko yumvikanye na Ajax ku masezerano yo kugura myugariro mpuzamahanga ukomoka muri Argentina, Lisandro Martinez, nyuma yo gukorwa ikizamini y’ubuzima,kumvikana ku masezerano ndetse n’ibisabwa birimo visa yo gukorera mu Bwongereza.

Lisandro Martinez yasinyanye na Man utd amasezerano y’imyaka 5 ashobora kuzongerwaho umwaka umwe.

Amafaranga yaguzwe Martinez ni miliyoni 55 z’amapawundi (€ 57m) harimo miliyoni 10 z’amayero aziyongeraho bitewe nuko uyu mukinnyi azitwara.

Amashitani atukura yatsinze mukeba wayo Arsenal kugira ngo abone uyu mukinnyi w’inyuma.

Martinez, ufite imyaka 24, yakoranye na Erik TenHag imyaka itatu i Amsterdam none azongera guhura nawe kuri Old Trafford.

Ikipe ya Arsenal yatanze miliyoni 34 z’ama pound bwa mbere,ariko United yinjira itanga miliyoni 40 z’ama pound ndetse niyo yamwegukanye itanze akayabo.

Amaherezo, Amashitani atukura yashoboye kwishyura bwa mbere miliyoni 46.8 z’amapawundi, ateganijwe kuzamuka akagera kuri miliyoni 55 harimo inyongera.

Martinez azajya ahembwa akayabo k’ibihumbi 120.000 by’ama pound buri cyumweru kuri Old Trafford.

Yakiniye Ajax imikino 120 nyuma yo kuva mu ikipe ya Defensa y Justicia yo muri Argeantine kuri miliyoni 6.3 z’amapawundi muri 2019, anakinira Newell’s Old Boys.

Martinez yahamagawe inshuro zirindwi muri Argentina kuva muri Werurwe 2019.

Ni umukinnyi wa gatatu United isinyishije muri iyi mpeshyi nyuma ya Tyrell Malacia wavuye muri Feyenoord na Christian Eriksen waje ku buntu.