skol
Kigali

Manchester United yasezerewe itarenze umutaru muri Champions League

Imyidagaduro   Yanditswe na: Dusingizimana Remy 16 March 2022

Ikipe ya Manchester United yashimangiye ko uyu mwaka w’imikino wabaye impfabusa kuri yo kuko igikombe kimwe rukumbi yari isigayemo cya UEFA Champions League yagisezerewemo itarenze 1/16.

United yari yakiriye Atletico Madrid,yatsinzwe igitego 1-0 ihita isezererwa cyane ko mu mukino ubanza bari banganyije igitego 1-1.

United yatangiye uyu mukino kangata kuko yasatiriye bigaragara Atletico Madrid kugeza akagozi gacitse ku munota wa 41 ubwo yatsindwaga igitego na Atletico Madrid cyatsinzwe na myugariro Renan Lodi n’umutwe.

Uyu mukinnyi w’inyuma ukomoka muri Brazil yabyaje umusaruro uburangare bw’abakinnyi ba United bananiwe kumucunga niko guhabwa umupira mwiza habura iminota ine ngo igihe cya mbere kirangire,awushyira mu rushundura ndetse ahita akuraho amahirwe ya United yo kugira igikombe itwara muri uyu mwaka w’imikino.Iheruka igikombe icyo aricyo cyose muri 2017

Ubu United ifite akazi katoroshye kugira ngo isubire muri Champions League mu mwaka w’imikino utaha kuko iyi kipe yuzuyemo amazina akomeye ariko adatanga umusaruro iri ku mwanya wa gatanu muri Premier League.

Urugamba rwa Atletico rwo kwinjira muri bane ba mbere muri La Liga muri uyu mwaka rusa n’urutazoroha,ariko uburambe bw’abagabo ba Diego Simeone mu mikino yo gukuranamo ya Champions League bwagaragaye kuko bashoboye kugera muri 1/4 ku nshuro ya gatandatu mu myaka icyenda ishize.

Umutoza w’agateganyo wa United, Ralf Rangnick ati: "Twari tuzi neza ko gutsinda iyi kipe ugomba gutsinda igitego cya mbere wenyine".

Cristiano Ronaldo yahoze ari umukinnyi ugora cyane Atletico muri Champions League kuko yayisezereye inshuro ebyiri zose muri Real Madrid ndetse anayitsinda ibitego 3 wenyine ari muri Juventus,kuri uyu wa kabiri no gutera mu izamu byabaye ikibazo.

Manchester United yasezerewe bivuze ko nta Cristiano Ronaldo na Lionel Messi tuzabona muri 1/4 cya Champions League uyu mwaka.

Bwa mbere mu myaka 16 ishize, Cristiano Ronaldo atashye amara masa mu mwaka w’imikino.

Ku rundi ruhande,ikipe ya Ajax nayo yatengushye abafana bayo kuko yatsindiwe ku kibuga cyayo igitego 1-0 na Benfica cya Darwin Nunez nyamara umukino ubanza amakipe yombi yari yanganyije 2-2.


Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Hagenimana Davidludovico

    Man utd tuyitegereze mu myaka 3 irimbere kuko ntakigenda yakabaye yatsinze ark ntakerekezo

    2 months ago

Inzindi nkuru

APR FC yongeye kubabaza Rayon Sports igera ku mukino wa nyuma w’Igikombe...

Ikipe ya APR FC yageze ku mukino wa nyuma w’igikombe cy’Amahoro nyuma yo...
19 May 2022 0

Idrissa Gana Gueye ari guhatirizwa gusaba imbabazi abatinganyi yanze...

Umuyisilamu wahisemo gukina umupira mu ikipe ya PSG,Idrissa Gana Gueye...
19 May 2022 0

Rutahizamu Joao Felix aravugwaho gutwarwa umukunzi na mugenzi...

Rutahizamu wa Atletico Madrid,Joao Felix aravugwaho kuba ari mu gahinda...
19 May 2022 0

AS Kigali ishaka kwisubiza igikombe cy’Amahoro yageze ku mukino wa...

AS Kigali ifite igikombe giheruka cy’Amahoro yatwaye muri 2019 itsinze...
18 May 2022 0

"...ubu imikino tuzayakira"-Minisitiri w’Intebe avuga ku gukinira imikino...

Minisitiri w’Intebe, Dr Ngirente Edouard,yagiranye ikiganiro n’abanyamakuru...
18 May 2022 0

Masudi Djuma yarwanye n’umukinnyi we bose bahabwa ibihano bikarishye

Umutoza Masudi Irambona Djuma ufite izina rikomeye mu mupira w’amaguru muri...
18 May 2022 0