skol
fortebet

Manchester United yemeje ko yamaze kwegukana kizigenza Casemiro

Yanditswe: Friday 19, Aug 2022

featured-image

Sponsored Ad

Ntibikiri impuha cyangwa amagambo y’Itangazamakuru,ikipe ya Manchester United yemeje ku mugaragaro ko yamaze kugura kizigenza mu kibuga Hagati,Carlos Henrique Casimiro uzwi cyane nka Casemiro.
United yari irwaye cyane umukinnyi wo kuri 6 ufasha ba myugariro,yiyemeje guheba igura kizigenza wahesheje Real Madrid ibikombe 5 bya Champions League.
Ibinyujije ku rubuga rwayo,Manchester United yagize iti "Manchester United yishimiye gutangaza ko yamaze kumvikana na Real Madrid ku kugura Casemiro. (...)

Sponsored Ad

Ntibikiri impuha cyangwa amagambo y’Itangazamakuru,ikipe ya Manchester United yemeje ku mugaragaro ko yamaze kugura kizigenza mu kibuga Hagati,Carlos Henrique Casimiro uzwi cyane nka Casemiro.

United yari irwaye cyane umukinnyi wo kuri 6 ufasha ba myugariro,yiyemeje guheba igura kizigenza wahesheje Real Madrid ibikombe 5 bya Champions League.

Ibinyujije ku rubuga rwayo,Manchester United yagize iti "Manchester United yishimiye gutangaza ko yamaze kumvikana na Real Madrid ku kugura Casemiro.

Uku kugura gukubiyemo kumvikana ku masezerano bwite n’umukinnyi, ibisabwa kugira ngo abone viza yo mu Bwongereza hamwe n’ubuvuzi.

Casemiro yakinnye imikino irenga 500 nk’uwabigize umwuga, harimo 63 yo ku rwego mpuzamahanga n’igihugu cye cya Brazil. Yatsindiye ibikombe 18 bikomeye mu mwuga we umeze neza harimo ibikombe bitanu bya Champions League ndetse na Copa America.

Twese dutegereje kwakira Casemiro kuri Old Trafford."

Amashitani atukura yatangiye gushaka Casemiro buhoro ariko afite gahunda, mu ntangiriro z’uku kwezi kwa Kanama.

United yumvise ko Casemiro yiteguye kuva muri Real Madrid bahita bakaza imbaraga,cyane ko ngo yumvaga igihe cye muri Los Blancos kiri hafi kurangira.

Uyu munya Brazil azahabwa hafi ubwikube kabiri bw’umushahara yahabwaga muri Real Madrid mu myaka 4 iri imbere ari kuri Old Trafford ishobora kwiyongera undi umwe.Amasezerano yagiranye na Madrid yagombaga kurangira muri 2025.

Casemiro yaguzwe miliyoni 13.4 z’amayero ubwo yazaga muri Real Madrid, bivuze ko kumugurisha kunguye Real Madrid angana na miliyoni 46,6 z’amayero nyuma yo gutwara ibikombe 18 (ibikombe bitanu bya Champions League, ibikombe bitatu bya LaLiga Santander, ibikombe bitatu by’igikombe cy’isi cy’amakipe, ibikombe bitatu Super cup, ibikombe bitatu bya Espagne na Copa del Rey imwe).

Real Madrid yashimiye Casemiro wayigezemo afite imyaka 20 none akaba ayivuyemo afite 30 y’amavuko ndetse ubu ari mu bakinnyi 30 bazakurwamo uwegukana Ballon d’Or uyu mwaka.

Real Madrid yasoje igira iti "Casemiro azahora yibukwa n’abafana ba Real Madrid [madridista] nk’uwaharaniye indangagaciro z’ikipe yacu. Umukinnyi wi’ntangarugero watanze ibye byose kuri Real Madrid.

Real Madrid ni kandi izahora ari mu rugo iwe, kandi tumwifurije hamwe n’umuryango we wose amahirwe masa muri iki gice gishya cy’ubuzima bwe."

Amakuru avuga ko Casemiro yaguzwe miliyoni 60 z’amapawundi ziziyongeraho 10 niyitwara neza ndetse arinjira mu bakinnyi bahembwa menshi mu ikipe.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa