skol
Kigali

Manishimwe Djabel yanduye Covid-19 avanwa mu mwiherero w’Amavubi

Imyidagaduro   Yanditswe na: Dusingizimana Remy 22 August 2021

Umukinnyi Manishimwe Djabel ukina mu kibuga hagati afasha abashaka ibitego, ntabwo azakina imikino ibiri u Rwanda ruzahuramo na Mali ndetse na Kenya mu kwezi gutaha kubera ko yanduye COVID-19.

Manishimwe yari umwe mu bakinnyi 39 umutoza Mashami Vincent yahamagariye kwitegura imikino ibiri u Rwanda ruzakina na Mali ndetse na Kenya mu itsinda E ry’ijonjora rya kabiri ryo gushaka itike y’Igikombe cy’Isi cya 2022 kizabera muri Qatar.

Uyu mukinnyi ntazakina iyo mikino yombi kuko yanduye COVID-19 ndetse akaba atari bukomezanye n’abandi imyitozo. Manishimwe Djabel yatangiye guhamagarwa mu Ikipe y’Igihugu nkuru kuva mu 2018.

Yabaye umukinnyi wa kane usohotse mu mwiherero w’Amavubi nyuma ya Kwizera Olivier wirukaniwe imyitwarire idahwitse na Usengimana Faustin watashye kubera uburwayi mu gihe Tuyisenge Jacques ategerejwe gusanga bagenzi be nyuma yo gukora ubukwe ku wa Gatandatu.

Meddie Kagere uri muri Maroc n’ikipe ye ya Simba SC na Mvuyekure Emery ukinira Tusker FC yo muri Tanzania, bombi bazagera mu Ikipe y’Igihugu ku wa 25 Kanama mu gihe Nirisarike Salomon uzava muri Armenia, azahagera ku wa 26 Kanama.

Ikipe y’Igihugu izava i Kigali ku wa 28 Kanama saa Saba z’ijoro mu gihe umukino wayo na Mali uzaba ku wa 1 Nzeri 2021. Nyuma y’umunsi umwe, izahita igaruka i Kigali, aho izakirira Kenya tariki ya 5 Nzeri 2021.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Cristiano Ronaldo yashimangiye ko ari umwami wa Champions League arokora...

Umunyabigwi mu mupira w’amaguru,Cristiano Ronaldo,yongeye gushimangira ko...
21 October 2021 0

APR FC na Rayon Sports zizesurana ku munsi wa 4 wa shampiyona...

Ishyirahamwe ry’umupira w’amaguru mu Rwanda ryashyize hanze ingengabihe y’uko...
20 October 2021 0

Hamenyekanye umutoza Cristiano Ronaldo yifuza ko asimbura Solskjaer

Umutoza wa Ole Gunnar Solskjaer akomeje guhura n’igitutu kuri Old Trafford...
20 October 2021 0

"Umunya Brazil Chrismar Soares ntazatangirana Shampiyona na Rayon Sports "-...

Umutoza wa Rayon Sports,Masudi Irambona Juma,yatangaje ko mu bakinnyi afite...
20 October 2021 0

FIFA yahaye igihano gikomeye Rayon Sports kubera kwambura umukinnyi...

FIFA yahaye Rayon Sports igihano cyo kutazagura abakinnyi bashya guhera...
19 October 2021 0

Umutoza Solskjaer yashwanye na rutahizamu we bapfa ibyo yamuvuzeho

Abahagarariye Marcus Rashford ntabwo bishimiye umutoza wa Manchester United...
19 October 2021 0