Rutahizamu wa Manchester United Mason Greenwood yarekuwe by’agateganyo nyuma yo gufungwa ashinjwa gufata ku ngufu umugore no kumukubita.
Uyu mukinyi w’imyaka 20 yafunzwe ku cyumweru kandi ashinjwa ihohotera,n’umukobwa bakundanaga wamushyize hanze akoresheje imbuga nkoranyambaga.
Yafunzwe ashinjwa ko yafashe umuntu ku ngufu ndetse akanatera ubwoba bwo kwica umuntu ku wa kabiri.
Manchester United yari yatangaje ko uyu rutahizamu atagomba gusubira mu myitozo kugeza hafashwe izindi ngamba. (...)

Sponsored Ad

Rutahizamu wa Manchester United Mason Greenwood yarekuwe by’agateganyo nyuma yo gufungwa ashinjwa gufata ku ngufu umugore no kumukubita.

Uyu mukinyi w’imyaka 20 yafunzwe ku cyumweru kandi ashinjwa ihohotera,n’umukobwa bakundanaga wamushyize hanze akoresheje imbuga nkoranyambaga.

Yafunzwe ashinjwa ko yafashe umuntu ku ngufu ndetse akanatera ubwoba bwo kwica umuntu ku wa kabiri.

Manchester United yari yatangaje ko uyu rutahizamu atagomba gusubira mu myitozo kugeza hafashwe izindi ngamba.

Polisi ya Greater Manchester yavuze ko Greenwood yafunzwe nyuma y’aho imenyeye ko "hari amashusho n’amafoto yashyizwe ku mbuga nkoranyambaga n’umugore avuga ihohoterwa yakorewe".

Iki gipolisi kivuga ko abacamanza bari bategetse ko aguma muri kasho kugeza ku wa gatatu ariko ubu yarekuwe by’agateganyo mu gihe irindi perereza riri gukorwa.

Nyuma y’aho uyu rutahizamu afunzwe, ikigo EA Sports gikora imikino ya videwo cyavuze ko Greenwood yakuwe mu mikino ya FIFA.

Cayvuze ko yari yakuwe mu mukino witwa FIFA 22 ahita anakurwa no ku rutonde rw’abo gikoresha mu mukino FIFA Ultimate Team hamwe na Ultimate Draft.

Kompanyi ikora imyambaro ya siporo, Nike, yari yatangaje ko ihagaritse imikoranire n’uyu mukinnyi.

Umuvugizi wayo yagize ati: "Tubabajwe cyane n’ibi birego kandi tuzakomeza gukurikiranira hafi iki kibazo".

Nyuma yo gutangira gukinira Manchester United mu kwa gatatu 2019, Greenwood yasinye amasezerano mu kwa kabiri k’umwaka ushize yo gukinira iyi kipe mu gihe cy’imyaka ine, cyane ko yanyuze mu ishuri ry’iyi kipe.

Ku cyumweru, Iyi kipe yavuze ko "idashobora kwihanganira ihohotera iryo ari ryo ryose" kandi ko yari yamenye ibyo uyu mukinnyi ashinjwa, ariko ko ntacyo yavuga mbere y’uko "ukuri kumenyekana ku byabaye".

Mu rindi tangazo ryasohowe ejo ku wa kabiri,iyi kipe yashimangiye ko yamaganye yivuye inyuma ihohotera iryo ari ryo ryose.

BBC