skol
Kigali

Masudi Djuma yahishuye ikintu cyatumye Rayon Sports itsindwa na APR FC

Imyidagaduro   Yanditswe na: Dusingizimana Remy 24 November 2021

Umutoza Masudi Djuma yavuze ko bari bamaze iminsi basaba abakinnyi ba Rayon Sports kudasubiza umupira inyuma ariko babirenzeho bivamo ibitego 2 bya APR FC byabonetse mu minota 5 ya nyuma y’igice cya mbere.


Masudi Djuma yavuze ko abakinnyi be bataramenyerana, cyane ko bari mu rugamba rwo kubaka ikipe itari ihari, ahubwo bakishimiye ko hari abakinnyi byibuze babasha gukina.

Yagize ati "Gutsindwa umukino wa derby nk’uyu,ugatsindwa uku,ku mpamvu zacu, birababaza.Imikino nk’iyi abafana baba baje.Ikipe yari imaze iminsi idakina twe turi gukina birababaje.N’ubwa mbere ntoje ikipe,tukabanza igitego bakatwishyura bakanadutsinda.Bivuze ko guhatana kwacu kwari hasi.

Twaje tuvuga tuti" umukino nk’uyu gusubiza umupira ni ibibazo.Imipira twasubije inyuma yabyaye ibibazo.Benshi bavuga umutoza ariko ntabwo akina,tumaze iminsi tubikora,kuri Bugesera imipira yose yajyaga imbere.Uko dushyira imipira imbere duteza ibibazo abo duhanganye ariko iyo dusubije inyuma umupira ibibazo biza iwacu.Uyu munsi niko byagenze,umukinnyi yamuhereje umupira aratsinda.Ni igitego cya kabiri n’uko.

Iyi n’ikipe nshya,ntabwo abakinnyi bahita bamenyerana.Ntabwo watsindwa mu minota 10 ngo uhite ukuramo umukinnyi ushyiremo undi.Uramureka agakomeza agakina yaruha ukazana umurusha imbaraga.

Reka mbabwire ikintu kimwe abanyarwanda bashobora kuba batari bazi, tuvuye ku ikipe itari ihari, umwaka ushize nta Rayon Sports yari ihari, mu kubuka ikipe ntabwo wayubaka buri mezi abiri."

"Babyumve neza abantu bazi umupira barabizi, ahubwo ni amahirwe kuba twabonye abakinnyi bashobora gukina, ariko ushyiramo no guhuza, ntabwo byaza mu minsi ibiri.Abakinnyi bavuye muri shampiyona zitandukanye....Abakinnyi bacu bavuye hanze bagomba kumenyerana.Ubu nibwo dutangiye kumenyerana.

Masudi yavuze ko uyu mukino batsinzwe na APR FC wabasigiye isomo ndetse ko bashobora gutsinda imikino myinshi iri imbere.

Masudi yari yagaruye ikipe yakoresheje kuri Bugesera FC ariko yahuye n’ikibazo cy’abakinnyi bo hagati ndetse n’uruhande rw’ibumoso rutari hejuru cyane ari naho APR FC yameneraga.

Rayon Sports yagize igice cya kabiri cyiza ariko amahirwe yose yabonye ntiyayabyaje umusaruro.

Masudi yabwiye abafana ati "Ntimucike intege,mukomeze mutujye inyuma",anakomeza avuga ko hakiri imikino myinshi ndetse bazatsinda izindi nyinshi.

Yakomeje avuga ko uko ikipe iri gukina bitanga icyizere ko iri kumenyerana ndetse ko mu mikino iri imbere bizagenda neza gusa ashimangira ko kubaka bidahita birangira.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Sergio Ramos yahaye igisubizo gitangaje uwamubajije niba yifuriza Messi...

Sergio Ramos ashobora kuba yarakaje bamwe mu bafana ba Real Madrid nyuma yo...
29 November 2021 0

"Dutegereje Berkane ko itubwira aho tuzakinira maze Abakinnyi bacu...

Umuyobozi w’ikipe y’ingabo z’igihugu Lt Gen Muganga Mubarakh yavuze ko...
29 November 2021 0

Amakuru avugwa kuri Ballon d’Or iratangwa mu ijoro ryo kuri uyu wa...

Kuri uyu wa mbere tariki ya 29 Ugushyingo 2021,kuri Theatre du Chatelet i...
29 November 2021 0

APR FC ishobora kutemererwa kwinjira muri Maroc/CAF yasabye Maroc...

APR FC itegereje icyemezo cya CAF kugira ngo imenye neza niba Maroc iza...
29 November 2021 0

APR FC yananiwe gutsinda RS Berkane y’abakinnyi 10

Mu mukino Ubanza w’ijonjora rya nyuma ryo kwerekeza mu matsinda ya CAF...
28 November 2021 0

Minisitiri Gatabazi yanenze imisifurire ku mukino wa Kiyovu na...

Abantu benshi barimo Minisitiri Gatabazi banenze imisifurire yagaragaye ku...
28 November 2021 0