skol
Kigali

Maurizio Sarri yahishuye ukuntu yagowe no gutoza Cristiano Ronaldo muri Juventus

Imyidagaduro   Yanditswe na: Dusingizimana Remy 7 July 2021

Uwahoze ari umutoza wa Juventus, Maurizio Sarri yemeje ko umunyabigwi mu mupira w’amaguru Cristiano Ronaldo agoranye kumutoza kubera ko we aba afite intego ze bwite zitandukanye n’I’ikipe.


Sarri yakoranye na Ronaldo umwaka umwe muri Juventus aho bombi batwaye igikombe cya Serie A ariko basezererwa rugikubita muri Champions League na Lyon byanatumye uyu mutoza yirukanwa asimburwa na Andrea Pirlo.

Sarri wari umaze igihe mu bushomeri nyuma yo kuva muri Juventus,yahishuye ko Cristiano Ronaldo yamunanije mu gukemura ibibazo by’imikinire byari mu ikipe.

Sarri yavuze ko Ronaldo yirebaho ku giti cye yaba mu gukora uduhigo n’ibindi bijyanye n’inyungu ze ntiyite ku ikipe muri rusange.

Uyu mutoza w’imyaka 62 yabwiye SportItalia ati “Gutoza Ronaldo ntabwo byoroshye mu bihe bitandukanye.Aba afite ibintu byinshi ndetse n’inyungu ze ku giti cye zishobora kugongana n’umupira.

Inyungu ziba zirenze izisanzwe,zirenze ikipe.Ndi umutoza ntabwo ndi umucungamari w’ikipe [manager].

Ronaldo azana imibare nyuma y’umwaka.Mu myaka ishize numvise byinshi ku bakinnyi numva bike ku makipe.”

Ronaldo bivugwa ko ashobora kuva mu ikipe ya Juventus gusa hari amakuru aherutse gutangazwa ko umuhagarariye Jorge Mendes yagiye kuganira n’iyi kipe ngo bongere amasezerano y’umwaka umwe.

Icyakora Juventus imurekuye yakunguka miliyoni 75 z’amapawundi ku mushahara yamuhembaga uri hejuru.

Sarri yagiriye inama Juventus yo kurekura Cristiano Ronaldo niba bashaka kubona abakinnyi 5 cyangwa 6 mu mwaka w’imikino utaha.

Abajijwe niba abona CR7 azaguma muri Juventus,yagize ati "Bizaterwa nibyo ikipe ishaka.Niba bashaka kuzigama umushahara bahitamo.Kuri njye numva nareka umukinnyi umwe kugira ngo mbone 6 banganya nawe umushahara."

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Carlo Ancelotti yihanangirije Eden Hazard wifuza gukina ari ku rwego rwo...

Umukinnyi ukina asatira mu ikipe ya Real Madrid,Eden Hazard, yasabwe...
27 October 2021 0

Manchester United yamanutse cyane ku rutonde rw’amakipe akomeye i Burayi...

Ikipe ya Manchester United yamanutse ku mwanya wa cyenda ku rutonde rw’uko...
27 October 2021 0

APR FC yatomboye RS Berkane muri CAF Confederation Cup

Ikipe ya APR FC yatomboye ikigugu Renaissance Sportive de Berkane yo muri...
26 October 2021 0

Hitimana Thierry yagizwe umutoza wa Simba SC nyuma yo kwirukanwa kwa Didier...

Umunyarwanda Thierry Hitimana ahawe by’agateganyo inshingano zo kuba umutoza...
26 October 2021 0

Thierry Henry yahishuye impamvu ikomeye iri gutuma Messi adatanga umusaruro...

Uwahoze akinana na Lionel Messi, Thierry Henry,abona Paris Saint-Germain...
26 October 2021 0

Bonheur Mugisha(Casemiro) wa APR FC yakoze impanuka ya moto

Umukinnyi mushya wa APR FC Mugisha Bonheur uzwi nka Casemiro yaraye akoze...
26 October 2021 0