Muri iyi minsi mu mupira w’amaguru hari kuvugwa akayabo k’amafaranga ari gutangwa n’amakipe yo muri Saudi Arabia ashaka abakinnyi bafite amazina azwi i Burayi

Abakinnyi bakomoka muri Afurika ntibatanzwe kujya kuyora aka kayabo ariyo mpamvu benshi ubu bari kubyinira ku rukoma kubera aka kayabo.

Kugeza ubu,Umunya Algeria,Riyad Mahrez niwe uyoboye abandi bakinnyi bose bo kuri uyu mugabane mu guhembwa akayabo.

Umuryango wabakusanyirije abakinnyi barusha abandi kwinjiza agatubutse muri Afurika.

1. Riyad Mahrez - £865,000 /ku cyumweru

Mu minsi ishize nibwo Riyad Mahrez yafashe umwanzuro wo kuva muri Manchester City yerekeza muri Saudi Arabia, yitwa Al-Ahli, aguzwe miliyoni 30 z’amapawundi

Amakuru avuga ko uyu munya Algeria yasinye amasezerano azajya amuhesha akayabo ka miliyoni 45 z’amapawundi buri mwaka angana n’ibihumbi 865,000 by’amapawundi ku kwezi cyangwa ibihumbi 123,000 ku munsi.

2. Sadio Mane - £661,000 /ku cyumweru

Nubwo atahiriwe muri Bayern Munich,uyu munya Senegal w’imyaka 31 yerekeje muri Al-Nassr yo muri Saudi Pro League aho yasinyiye kuzajya ahembwa akayabo k’ibihumbi 661 by’amapawundi ku cyumweru.

3. Kalidou Koulibaly - £412,000 /ku cyumweru

Uyu munya Senegal wugarira yerekeje mu ikipe ya Al-Hilal muri Saudi Arabia aho yemeje ko yafashe uyu mwanzuro kugira ngo afashe umuryango we ndetse ateze imbere imiryango ifasha yashinze.

Uyu buri cyumweru azajya ahembwa ibihumbi 412 by’amapawundi ari nayo mpamvu yateye umugongo Chelsea.

4. Mohamed Salah - £350,000 /ku cyumweru

Uyu niwe mukinnyi waje hafi ukina i Burayi kuko ahembwa akayabo k’ibihumbi 350 by’amapawundi ku cyumweru.

Aka kayabo yagahawe nyuma yo kongera amasezerano y’imyaka 3 mu mpeshyi ishize byatumye aba uwa mbere uhembwa akayabo muri Liverpool.

Abandi

5. Edouard Mendy - £227,000 /ku cyumweru

6. Thomas Partey - £200,000 /ku cyumweru

7. Achraf Hakimi - £176,000 /ku cyumweru

8. Nicolas Pepe - £140,000 /ku cyumweru

9. Andre Onana - £115,000 /ku cyumweru

10. Franck Yannick Kessié - £150,000 /ku cyumweru