Messi yafunguye amazamu ubwo Paris Saint-Germain yatsindaga Maccabi Haifa ibitego 7-2 muri Champions League kuri uyu wa Kabiri, ariko igitego cye cya kabiri cyaturutse ku ishoti yatereye inyuma y’urubuga rw’amahina nicyo cyabaye inkuru mu binyamakuru.
Iki gitego cyatumye uyu munya Argentine aba umukinnyi utsinze ibitego byinshi kurusha abandi ose ari hanze y’urubuga rw’amahina (23) kuva yatangira gukina iri rushanwa muri 2004/05.
Yaciye kuri Cristiano Ronaldo wa Manchester United banganyaga (...)

Sponsored Ad

Messi yafunguye amazamu ubwo Paris Saint-Germain yatsindaga Maccabi Haifa ibitego 7-2 muri Champions League kuri uyu wa Kabiri, ariko igitego cye cya kabiri cyaturutse ku ishoti yatereye inyuma y’urubuga rw’amahina nicyo cyabaye inkuru mu binyamakuru.

Iki gitego cyatumye uyu munya Argentine aba umukinnyi utsinze ibitego byinshi kurusha abandi ose ari hanze y’urubuga rw’amahina (23) kuva yatangira gukina iri rushanwa muri 2004/05.

Yaciye kuri Cristiano Ronaldo wa Manchester United banganyaga nkuko bitangazwa na Opta.

Messi yakuyeho akandi gahigo yanganyaga na Ronaldo muri Champions League ubwo PSG yatsindaga Maccabi, kuko yabaye umukinnyi wa mbere watsinze ibitego amakipe 39 atandukanye muri iri rushanwa.

Opta yatangaje kandi ko Messi ku myaka ye 35 n’iminsi 123,ari we mukinnyi ukuze cyane watsinze ibitego 2 kandi agatanga imipira 2 yavuyemo ibitego mu mukino umwe wa Champions League.

Kugeza ubu kandi,Messi niwe mukinnyi wenyine watsinze ibitego birenga [10+] kandi a gatanga imipira kuva 10kuzamura ivamo ibitego mu bakinnyi bose bakina muri shampiyona eshanu za mbere i Burayi.

PSG yaraye ikatishije itike ya 1/16 gusa igomba gushaka umwanya wa mbere ihanganiye na Benfica banganya amanota 11.