Kabuhariwe Lionel Messi wafashije Argentina kwerekeza mu mikino ya 1/16 cy’igikombe cy’isi kiri kubera mu Burusiya bigoranye,yabwiye abanyamakuru ko atari yiteze ko Nigeria izabagora mu mikino y’amatsinda.

Sponsored Ad

Ikipe ya Argentina yagowe n’imikino y’amatsinda ubwo yatangiraga inganya na Iceland igitego 1-1 hanyuma ikanyagirwa na Croatia ibitego 3-0,yatunguwe n’ukuntu ikipe ya Argentina yagowe na Nigeria bakayitsinda babanje kwiyuha akuya.

Yagize ati “Ntabwo twari twiteze ko Nigeria izatugora nkuko yabigenje.Twari tuzi ko tugomba gutsinda ndetse dufite icyizere ko Imana iradufasha kubigeraho.Icy’ingenzi n’uko twerekeje mu cyiciro gikurikiraho.”

Messi ntiyitwaye neza mu mikino 2 ya mbere Argentina yabuzemo amanota,gusa yaje gufungura amazamu ku munota wa 14 ubwo batsindaga Nigeria ibitego 2-1 mu ijoro ryakeye basanga Ubufaransa mu mikino ya 1/16.