skol
Kigali
Fortebet

Migi yibukije abakinnyi ba APR FC kudatobanga ibigwi n’agahigo ifite ko kudatsindwa

Imyidagaduro   Yanditswe na: 9 February 2017

Umukinnyi mpuzamahanga w’umunyarwanda ukinira ikipe ya Gor Mahia yo muri Kenya, Mugiraneza Jean Baptiste Migi yagize ubutumwa agenera barumuna be bakina muri APR FC mbere yo gukina umukino wa Champions League na Zanaco FC.

Yababwiye ko bagomba kwitwara neza bakibuka ko igihe cyose APR FC yakinnye iyi mikino ikabanza hanze itisukirwaga.

Migi wakiniye APR FC igihe kitari gito akaza kuyivamo yerekeza muri Azam FC yo muri Tanzania, aho yavuye muri uyu mwaka yerekeza muri Kenya mu ikipe ya Gor Mahia, aganira n’ikinyamakuru Umuryango yagitangarije ko aba basore ba APR FC bagomba kumenya ko Zanaco FC ari ikipe ikomeye yakinnye nayo azi neza, ariko itagomba kubatera ubwoba.

Yabawiye ko bagomba kugendera ku ishema iyi kipe ifite ry’uko mu gihe cye APR FC yitabiraga iyi mikino, kandi ko itigeze itsindwa mu gihe cyose yabanzaga hanze., ahubwo ko yakomezaga mu cyiciro gikurikiyeho.

Ati “Ubutumwa nta bundi ni uko bagomba kwitwara neza. Birumvikana APR ni ikipe ikomeye kandi igihe nakiniye APR iyi mikino tukagira amahirwe yo kubanza hanze twakomezaga mu kindi cyiciro, nanjye rero ndakeka ko ubwo bazabanza hanze umukino wo kwishyura ukaba uzabera mu rugo ndumva ko APR igomba gukomeza mu kindi cyiciro.

Yameje agira ati “Zanaco FC nayo si ikipe yoroshye, dore ko umwaka ushize nagize amahirwe yo gukina nayo ubwo nari ndi muri Azam FC, nabonye ari ikipe nziza kandi ikomeye. Birasaba ko abakinnyi bazakurikiza inama z’umutoza kandi bakirinda igihunga.

Migi yavuze ko nubwo yavuye muri APR FC akiyifite ku mutima bityo yizeye ko aba basore bazatuma abakunzi bayo barara neza, dore ko abenshi mu bakinnyi bayo atari n’ubwa mbere bagiye gukina iyi mikino, ahubwo bamaze kuyimenyera.

APR FC iraserukira u Rwanda mu mikino y’amakipe yabaye aya mbere iwayo(yatwaye igikombe cya shampiyona), azwi CAF Champions League 2017.

Zanaco (Zambia National Commercial Bank), ikipe ya banki y’ubucuruzi ya Zambia, izakina n’ikipe y’ingabo z’u Rwanda(Armée Patriotique du Rwanda-APR) ku Cyumweru tariki 12 Gashyantare mu mukino ubanza uzabera muri Zambia.

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Haruna Niyonzima yabwiye amagambo yihariye umutoza w’Amavubi wongeye...

Umukinnyi Haruna Niyonzima yashimiye umutoza Carlos Alos wongeye...
18 August 2022 0

Mussa Camara yagarutse muri Rayon Sports yahesheje shampiyona

Rutahizamu ukomoka muri Mali,Mussa Camara yamaze gusinya amasezerano...
18 August 2022 0

Caleb wifujwe na Rayon Sports cyane yabonye ikipe ikomeye

Ikipe Kaizer Chiefs yo muri Afurika y’Epfo yatangaje ko yamaze gusinyisha...
18 August 2022 0

"Manchester United y’uyu mwaka niyo mbi kurusha iheruka kumanuka mu cyiciro...

Uwari Kapiteni wa Manchester United ubwo iheruka kumanuka muri 1974...
18 August 2022 0

MINISPORTS ntirishyura Amavubi agahimbazamusyi ka CHAN 2020

Hashize umwaka urenga "Amavubi ageze muri 1/4 cya CHAN 2020 yakinwe muri...
18 August 2022 0

Rayon Sports yasinyishije abakinnyi 2 barimo umunyezamu wa Yanga...

Rayon Sports imaze gutangaza ko yasinyishije amasezerano y’umwaka umwe,...
18 August 2022 0