Mikel Arteta yiteguye kwica umwe mu bakinnyi be uragaragaza ubwoba ku mukino ukomeye ikipe ye ya Arsenal iraba yasuyemo Man City ku kibuga Etihad.
Ikipe ya Manchester City itozwa na Pep Guardiola irahabwa amahirwe menshi muri uyu mukino wafashwe nk’uwa nyuma kuri aya makipe yombi ahataniye igikombe cya shampiyona
Guardiola yavuze ko byaba ari ikibazo igihe abakinnyi baba nta bwoba bafitiye uyu mukino utegerejwe na benshi kuri uyu wa Gatatu saa tatu z’ijoro.
Arsenal imaze imikino itatu (…)

Mikel Arteta yiteguye kwica umwe mu bakinnyi be uragaragaza ubwoba ku mukino ukomeye ikipe ye ya Arsenal iraba yasuyemo Man City ku kibuga Etihad.

Ikipe ya Manchester City itozwa na Pep Guardiola irahabwa amahirwe menshi muri uyu mukino wafashwe nk’uwa nyuma kuri aya makipe yombi ahataniye igikombe cya shampiyona

Guardiola yavuze ko byaba ari ikibazo igihe abakinnyi baba nta bwoba bafitiye uyu mukino utegerejwe na benshi kuri uyu wa Gatatu saa tatu z’ijoro.

Arsenal imaze imikino itatu yikurikiranya inganya,iyoboye shampiyona aho irusha amanota 5 Man City ifite imikino ibiri itarakina.

Arsenal yayoboye shampiyona kuva mu mikino ya mbere,irasabwa gutsinda uyu mukino kugira ngo icyizere cyo kwegukana igikombe kigumeho.

Umutoza wayo Arteta yagize ati: “Ntabwo nigeze mbona umwe mu bakinnyi banjye aterwa ubwoba n’uyu mukino kandi nimbibona nzabica kuko simbishaka.

Urwego rw’uyu mukino rurasaba kuba mwiza kuri buri mupira kandi ibyo tugomba kubitanga mu mikinire yacu.

Guhangana na City byari byiza ariko ntabwo bihagije ariko ubu turi muri uyu mwanya tugomba gutsinda.

City ifite imikino ibiri itarakina kandi imaze imikino 16 yikurikiranya idatsindwa mu marushanwa yose.

Urwego abakinnyi ba City bariho kuri ubu,ntaho ruhuriye na gato n’urw’aba Arsenal gusa ikibuga kigira ibyacyo.

Benshi mu bakurikira Premier League bemeza ko Man City iraza gutsinda uyu mukino kuko iraba iri ku kibuga cyayo kongeraho n’urwego rw’abakinnyi ifite bari hejuru cyane y’aba Arsenal.

Arsenal ya mbere ifite amanota 75, irusha atanu Manchester City ya kabiri mbere y’uko zombi zihura kuri uyu wa Gatatu.

Byitezwe ko Manchester City izungukira cyane ku burangare bwa Arsenal yanganyije imikino itatu iheruka yahuyemo na Liverpool, West Ham United na Southampton.

Arsenal yatsinzwe imikino ibiri yahuyemo na City haba muri Shampiyona na FA Cup aho muri shampiyona yatsindiwe mu rugo irushwa ibitego 3-1.

Arteta yijeje abafana ba Arsenal intsinzi ati "Icyizere kirahari, ndareba uko abakinnyi bitwaye kuri Southampton, bagerageza gushyigikirana muri buri kintu. Turabishaka cyane kandi tugiye kubyerekana na none mu ijoro ry’ejo.”

Arsenal irakina uyu mukino idafite myugariro William Saliba na Tomiyasu mu gihe, Granit Xhaka ashobora kugaruka nyuma yo kudakina na Southampton kubera uburwayi.

Arsenal yatsinzwe imikino irindwi yose iheruka guhuramo na Manchetser City ndetse ntirayitsinda muri Premier League kuva mu 2015.

Arsenal iheruka gutsindira Man City iwayo muri Premier League, Ku ya 18 Mutarama 2015, ibitego 2-0 byatsinzwe na Santi Cazorla na Olivier Giroud.

Imikino iheruka guhuza Arsenal na Man City